ഹൈ​ദ​രാ​ബാ​ദ്: വി​ജ​യ് ഹ​സാ​രെ ട്രോ​ഫി​യി​ല്‍ ബം​ഗാ​ളി​നെ​തി​രേ കേ​ര​ള​ത്തി​ന് 207 റ​ൺ​സ് വി​ജ​യ​ല​ക്ഷ്യം. ആ​ദ്യം ബാ​റ്റ് ചെ​യ്ത ബം​ഗാ​ൾ നി​ശ്ചി​ത 50 ഓ​വ​റി​ൽ ഒ​മ്പ​തു വി​ക്ക​റ്റ് ന​ഷ്ട​ത്തി​ൽ 206 റ​ൺ​സെ​ടു​ത്തു. അ​ർ​ധ​സെ​ഞ്ചു​റി​യോ​ടെ പു​റ​ത്താ​കാ​തെ നി​ന്ന പ്ര​ദീ​പ്ത പ്ര​മാ​ണി​ക്കി​ന്‍റെ (74) ത​ക​ർ​പ്പ​ൻ ഇ​ന്നിം​ഗ്സാ​ണ് ബം​ഗാ​ളി​ന് ഭേ​ദ​പ്പെ​ട്ട സ്കോ​ർ സ​മ്മാ​നി​ച്ച​ത്.

അ​തേ​സ​മ​യം, ക​നി​ഷ്ക് സേ​ത്ത് (32), കൗ​ശി​ക് മൈ​ത്തി (27), സു​മ​ന്ത ഗു​പ്ത (24), സു​ദീ​പ് ചാ​റ്റ​ർ​ജി (13) എ​ന്നി​വ​രൊ​ഴി​കെ മ​റ്റാ​ർ​ക്കും ര​ണ്ട​ക്കം പോ​ലും ക​ട​ക്കാ​നാ​യി​ല്ല.

ഹൈ​ദ​രാ​ബാ​ദ് നെ​ക്സ്ജെ​ൻ ക്രി​ക്ക​റ്റ് ഗ്രൗ​ണ്ടി​ൽ ടോ​സ് ന​ഷ്ട​പ്പെ​ട്ട് ബാ​റ്റിം​ഗി​നി​റ​ങ്ങി​യ ബം​ഗാ​ളി​ന് തു​ട​ക്കം മു​ത​ലേ ത​ക​ർ​ച്ച​യെ നേ​രി​ടേ​ണ്ടി വ​ന്നു. നാ​ലു റ​ൺ​സെ​ടു​ക്കു​ന്ന​തി​നി​ടെ ആ​ദ്യ​വി​ക്ക​റ്റ് ന​ഷ്ട​മാ​യ ബം​ഗാ​ളി​ന് തു​ട​ർ​ച്ച​യാ​യ ഇ​ട​വേ​ള​ക​ളി​ൽ വി​ക്ക​റ്റ് ന​ഷ്ട​മാ​യി​ക്കൊ​ണ്ടി​രു​ന്നു.

ഒ​രു​ഘ​ട്ട​ത്തി​ൽ ഏ​ഴി​ന് 101 എ​ന്ന നി​ല​യി​ലാ​യ ബം​ഗാ​ളി​നെ എ​ട്ടാം​വി​ക്ക​റ്റി​ൽ കൗ​ശി​ക് മൈ​ത്തി​യും പ്ര​ദീ​പ്ത പ്ര​മാ​ണി​ക്കും ചേ​ർ​ന്ന് കൂ​ട്ടി​ച്ചേ​ർ​ത്ത 69 റ​ൺ​സ് കൂ​ട്ടു​കെ​ട്ടാ​ണ് ക​ര​ക​യ​റ്റി​യ​ത്. പി​ന്നീ​ട് അ​വ​സാ​ന വി​ക്ക​റ്റി​ൽ സ​യ​ൻ ഘോ​ഷി​നൊ​പ്പം ചേ​ർ​ന്ന് പ്ര​ദീ​പ്ത ബം​ഗാ​ളി​നെ ഇ​രു​ന്നൂ​റും ക​ട​ത്തി. 82 പ​ന്തി​ൽ മൂ​ന്നു ബൗ​ണ്ട​റി​ക​ളും അ​ഞ്ചു സി​ക്സ​റു​മു​ൾ​പ്പെ​ടു​ന്ന​താ​ണ് പ്ര​ദീ​പ്ത​യു​ടെ ഇ​ന്നിം​ഗ്സ്.

കേ​ര​ള​ത്തി​നു വേ​ണ്ടി എം.​ഡി. നി​തീ​ഷ് 46 റ​ൺ​സ് വ​ഴ​ങ്ങി മൂ​ന്നു​വി​ക്ക​റ്റ് വീ​ഴ്ത്തി​യ​പ്പോ​ൾ ജ​ല​ജ് സ​ക്സേ​ന, ബേ​സി​ൽ ത​മ്പി, ആ​ദി​ത്യ സ​ർ​വാ​തെ എ​ന്നി​വ​ർ ര​ണ്ടു​വി​ക്ക​റ്റ് വീ​തം വീ​ഴ്ത്തി.