തി​രു​വ​ന​ന്ത​പു​രം: എ​ഡി​എം ന​വീ​ൻ ബാ​ബു​വി​ന്‍റെ മ​ര​ണ​ത്തി​ൽ റി​മാ​ന്‍​ഡി​ൽ ക​ഴി​യു​ന്ന പി.​പി.​ദി​വ്യ​യെ പാ​ർ​ട്ടി​യി​ൽ ത​രം​താ​ഴ്ത്തി. ക​ണ്ണൂ​ർ ജി​ല്ലാ ക​മ്മി​റ്റി അം​ഗ​മാ​യി​രു​ന്ന ദി​വ്യ​യെ സി​പി​എം പ്രാ​ഥ​മി​ക അം​ഗ​ത്വ​ത്തി​ലേ​ക്കാ​ണ് ത​രം​താ​ഴ്ത്തി​യ​ത്.

ദി​വ്യ​യെ ത​രം​താ​ഴ്ത്താ​ൻ ക​ണ്ണൂ​ർ ജി​ല്ലാ ക​മ്മി​റ്റി​യെ​ടു​ത്ത തീ​രു​മാ​നം സം​സ്ഥാ​ന നേ​തൃ​ത്വ​ത്തി​ന്‍റെ അ​നു​മ​തി​ക്കാ​യി വി​ട്ടി​രു​ന്നു. ഇ​ത് പ്ര​കാ​രം ഓ​ൺ​ലൈ​നാ​യി ചേ​ർ​ന്ന സി​പി​എം സം​സ്ഥാ​ന സെ​ക്ര​ട്ടേ​റി​യ​റ്റ് യോ​ഗ​മാ​ണ് ന​ട​പ​ടി​ക്ക് അം​ഗീ​കാ​രം ന​ൽ​കി​യ​ത്.

സം​സ്ഥാ​ന സെ​ക്ര​ട്ടേ​റി​യ​റ്റ് ന​ട​പ​ടി അം​ഗീ​ക​രി​ച്ച​തോ​ടെ പി.​പി.​ദി​വ്യ ഇ​നി മു​ത​ൽ ഇ​ര​ണാ​വ് ലോ​ക്ക​ൽ ക​മ്മി​റ്റി​ക്ക് കീ​ഴി​ലെ ബ്രാ​ഞ്ചി​ലു​ള്ള ഒ​രു സാ​ധാ​ര​ണ പാ​ർ​ട്ടി അം​ഗ​മാ​യി തു​ട​രേ​ണ്ടി വ​രും. തെ​ര​ഞ്ഞെ​ടു​പ്പ് കാ​ല​ത്ത് ജ​ന​രോ​ഷം കൂ​ടി ക​ണ​ക്കി​ലെ​ടു​ത്താ​ണ് സം​ഭ​വം ന​ട​ന്ന് മൂ​ന്നാ​ഴ്ച​ക​ൾ​ക്ക് ശേ​ഷം ന​ട​പ​ടി വ​ന്നി​രി​ക്കു​ന്ന​ത്.

ന​വീ​ൻ ബാ​ബു​വി​ന്‍റെ മ​ര​ണ​ത്തി​ൽ ദി​വ്യ​യെ പ്ര​തി​ചേ​ർ​ത്ത​തി​നു പി​ന്നാ​ലെ ക​ണ്ണൂ​ർ ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് സ്ഥാ​ന​ത്ത് നി​ന്ന് അ​വ​രെ നീ​ക്കി​യി​രു​ന്നു. എ​ന്നാ​ൽ പാ​ർ​ട്ടി ന​ട​പ​ടി​യി​ലേ​ക്ക് ത​ത്കാ​ലം പോ​കേ​ണ്ട​തി​ല്ല എ​ന്ന നി​ല​പാ​ടി​ലാ​യി​രു​ന്നു നേ​തൃ​ത്വം.