പാ​ല​ക്കാ​ട്: കെ​പി​എം ഹോ​ട്ട​ലി​ൽ പോ​ലീ​സി​ന്‍റെ റെ​യ്ഡി​നി​ടെ അ​തി​ക്ര​മി​ച്ച് ക​യ​റി നാ​ശ​ന​ഷ്ടം ഉ​ണ്ടാ​ക്കു​ക​യും ജീ​വ​ന​ക്കാ​രെ മ​ർ​ദ്ദി​ക്കു​ക​യും ചെ​യ്ത​വ​ർ​ക്കെ​തി​രെ കേ​സെ​ടു​ത്തു. 10 പേ​ർ​ക്കെ​തി​രെ​യാ​ണ് കേ​സെ​ടു​ത്ത​ത്. ഹോ​ട്ട​ലി​ന്‍റ പ​രാ​തി​യി​ലാ​ണ് സൗ​ത്ത് പോ​ലീ​സ് കേ​സെ​ടു​ത്തി​രി​ക്കു​ന്ന​ത്.

ക​ണ്ടാ​ല​റി​യാ​വു​ന്ന 10 പേ​ർ​ക്കെ​തി​രെ​യാ​ണ് കേ​സെ​ടു​ത്ത​ത്. ചൊ​വ്വാ​ഴ്ച രാ​ത്രി​യാ​ണ് റെ​യ്ഡ് ന​ട​ന്ന​ത്. കോ​ൺ​ഗ്ര​സ് വ​നി​താ നേ​താ​ക്ക​ളു​ൾ​പ്പെ​ടെ താ​മ​സി​ക്കു​ന്ന ഹോ​ട്ട​ലി​ലാ​യി​രു​ന്നു റെ​യ്ഡ്. ക​ള്ള​പ്പ​ണം ക​ണ്ടെ​ത്താ​നാ​യി​രു​ന്നു പ​രി​ശോ​ധ​ന​യെ​ന്ന് പോ​ലീ​സ് അ​റ‍ി​യി​ച്ചു.

അ​തി​നി​ടെ, കോ​ൺ​ഗ്ര​സ് നേ​താ​ക്ക​ൾ ഹോ​ട്ട​ലി​ൽ ക​ള്ള​പ്പ​ണം കൊ​ണ്ടു​വ​ന്നു​വെ​ന്ന ആ​രോ​പ​ണം ബ​ല​പ്പെ​ടു​ത്താ​ൻ ദൃ​ശ്യ​ങ്ങ​ളു​മാ​യി സി​പി​എം രം​ഗ​ത്തെ​ത്തി. കെ​പി​എം ഹോ​ട്ട​ലി​ലെ ചൊ​വ്വാ​ഴ്ച​ത്തെ സി​സി​ടി​വി ദൃ​ശ്യ​ങ്ങ​ൾ പു​റ​ത്തു​വി​ടു​ക​യാ​യി​രു​ന്നു സി​പി​എം. നീ​ല ട്രോ​ളി ബാ​ഗു​മാ​യി കെ​എ​സ്‍​യു നേ​താ​വ് ഫെ​നി ന​ട​ന്നു​പോ​വു​ന്ന ദൃ​ശ്യ​ങ്ങ​ളാ​ണ് പു​റ​ത്തു​വ​ന്നി​ട്ടു​ള്ള​ത്.

എം​പി​മാ​രാ​യ ഷാ​ഫി പ​റ​മ്പി​ൽ, ശ്രീ​ക​ണ്ഠ​ൻ, ജ്യോ​തി​കു​മാ​ർ ചാ​മ​ക്കാ​ല എ​ന്നി​വ​ർ കെ​പി​എം ഹോ​ട്ട​ലി​ലേ​ക്ക് ക​യ​റു​ന്ന​തു​ൾ​പ്പെ​ടെ ‌ദൃ​ശ്യ​ങ്ങ​ളി​ലു​ണ്ട്. സി​സി​ടി​വി ദൃ​ശ്യ​ങ്ങ​ൾ പു​റ​ത്തു​വി​ടു​മെ​ന്ന് സി​പി​എം നേ​ര​ത്തെ പ​റ​ഞ്ഞി​രു​ന്നു.