കൊ​ല്ലം: രാ​ത്രി​യാ​ത്ര​ക​ൾ​ക്കാ​യി രൂ​പ​ക​ൽ​പ്പ​ന ചെ​യ്ത വ​ന്ദേഭാ​ര​ത് സ്ലീ​പ്പ​ർ കോ​ച്ചു​ക​ൾ അ​നാഛാ​ദ​നം ചെ​യ്തു. ക​മ്മീ​ഷ​നിം​ഗ് ഉ​ട​ൻ ഉ​ണ്ടാ​കു​മെ​ങ്കി​ലും 2025 ജ​നു​വ​രി മ​ധ്യ​ത്തോ​ടെ സ​ർ​വീ​സി​ന് സ​ജ്ജ​മാ​കു​മെ​ന്നാ​ണ് സൂ​ച​ന​ക​ൾ.

ചെ​ന്നെ​യി​ലെ ഇ​ന്‍റ​ഗ്ര​ൽ കോ​ച്ച് ഫാ​ക്ട​റി​യി​ൽ ക​ഴി​ഞ്ഞദി​വ​സ​മാ​ണ് സ്ലീ​പ്പ​ർ പ​തി​പ്പി​ന്‍റെ പ്രോ​ട്ടോ​ടൈ​പ്പ് അ​നാ​വ​ര​ണം ചെ​യ്ത​ത്. ഇ​തി​ന്‍റെ ചി​ത്ര​ങ്ങ​ൾ റെ​യി​ൽ​വേ മ​ന്ത്രാ​ല​യം സ​മൂ​ഹ​മാ​ധ്യ​മ​ങ്ങ​ളി​ൽ പ​ങ്കു​വ​യ്ക്കു​ക​യും ചെ​യ്തു.

കോ​ച്ചു​ക​ൾ ക​ർ​ശ​ന പ​രി​ശോ​ധ​ന​യ്ക്കും സു​ര​ക്ഷാ പ​രീ​ക്ഷ​ണ​ങ്ങ​ൾ​ക്കു​മാ​യി ല​ക്നൗ​വി​ലെ റി​സ​ർ​ച്ച് ഡി​സൈ​ൻ ആ​ൻ്റ് സ്റ്റാ​ൻ​ഡാ​ർ​ഡ് ഓ​ർ​ഗ​നൈ​സേ​ഷ​നി​ൽ (ആ​ർ​ഡി​എ​സ്ഒ) അ​യ​ക്കും. ന​വം​ബ​ർ 15-ന​കം ക​മ്മീ​ഷ​ൻ ചെ​യ്യാ​നാ​ണ് ഉ​ദ്ദേ​ശി​ക്കു​ന്ന​ത്.

കോ​ച്ചു​ക​ളു​ടെ നി​ർ​മാ​ണ ചു​മ​ത​ല ഭാ​ര​ത് എ​ർ​ത്ത് മൂ​വേ​ഴ്സ് ലി​മി​റ്റ​ഡി​നാ​യി​രു​ന്നു. ഇ​ന്‍റ​ഗ്ര​ൽ കോ​ച്ച് ഫാ​ക്ട​റി​യി​ലെ എ​ൻ​ജി​നീ​യ​ർ​മാ​രാ​ണ് ഇ​വ രൂ​പ​ക​ൽ​പ്പ​ന ചെ​യ്ത​ത്. പൂ​ർ​ണ​മാ​യും ശീ​തീ​ക​രി​ച്ച 16 കോ​ച്ചു​ക​ളാ​ണ് വ​ന്ദേസ്ലീ​പ്പ​റി​ൽ ഉ​ള്ള​ത്. 11 ത്രീ ​ട​യ​ർ, നാ​ല് ടൂ ​ട​യ​ർ, ഒ​രു ഫ​സ്റ്റ് ക്ലാ​സ് കോ​ച്ച് എ​ന്നി​ങ്ങ​നെ​യാ​ണ് ഉ​ൾ​പ്പെ​ടു​ത്തി​യി​ട്ടു​ള്ള​ത്.

823 പേ​ർ​ക്ക് യാ​ത്ര ചെ​യ്യാ​നു​ള്ള സൗ​ക​ര്യം ഉ​ണ്ട്. ഒ​രു ട്രെ​യി​നി​ന്‍റെ നി​ർ​മാ​ണ ചെ​ല​വ് 120 കോ​ടി രൂ​പ​യാ​ണ്. കൂ​ട്ടി​യി​ടി ഒ​ഴി​വാ​ക്കാ​നു​ള്ള ക​വ​ച് സം​വി​ധാ​നം, മു​മ്പി​ലും വ​ശ​ങ്ങ​ളി​ലും ക്രാ​ഷ് ബ​ഫ​റു​ക​ൾ, നൂ​ത​ന അ​ഗ്നി​ശ​മ​ന സം​വി​ധാ​നം എ​ന്നി​വ ഉ​ൾ​പ്പെ​ടു​ത്തി​യി​ട്ടു​ണ്ട്.

എ​ളു​പ്പ​ത്തി​ൽ പ്ര​വേ​ശി​ക്കാ​നു​ള്ള ഗോ​വ​ണി സൗ​ക​ര്യം, ആ​ധു​നി​ക ടോ​യ്‌​ല​റ്റ് സം​വി​ധാ​ന​ങ്ങ​ൾ, മെ​ച്ച​പ്പെ​ട്ട എ​യ​ർ ക​ണ്ടീ​ഷ​നിം​ഗ്, സീ​റ്റ് ത​ല​യ​ണ​ക​ളി​ൽ നൂ​ത​ന സു​ഖ​സൗ​ക​ര്യ​ങ്ങ​ൾ എ​ന്നി​വ​യും വ​ന്ദേ സ്ലീ​പ്പ​ർ കോ​ച്ചു​ക​ളു​ടെ സ​വി​ശേ​ഷ​ത​ക​ളാ​ണ്.

2025 ജ​നു​വ​രി ആ​ദ്യ വാ​രം പ​രീ​ക്ഷ​ണ ഓ​ട്ടം ന​ട​ത്താ​നാ​ണ് തീ​രു​മാ​നം. 90 കി​ലോ​മീ​റ്റ​റി​ൽ തു​ട​ങ്ങി 180 കി​ലോ​മീ​റ്റ​ർ വേ​ഗ​ത​യി​ൽ വ​രെ ട്ര​യ​ൽ റ​ൺ ന​ട​ത്താ​നാ​ണ് പ​ദ്ധ​തി​യി​ട്ടു​ള്ള​ത്.

നി​ല​വി​ൽ സീ​റ്റു​ക​ൾ മാ​ത്ര​മു​ള്ള 78 വ​ന്ദേ​ഭാ​ര​ത് ട്രെ​യി​നു​ക​ളാ​ണ് രാ​ജ്യ​ത്ത് സ​ർ​വീ​സ് ന​ട​ത്തു​ന്ന​ത്. ഇ​തി​ൽ ഭൂ​രി​ഭാ​ഗ​വും ഇ​ന്‍റ​ർ​സി​റ്റി സ​ർ​വീ​സു​ക​ളാ​ണ്. വ​ന്ദേസ്ലീ​പ്പ​ർ കൂ​ടി വ​രു​ന്ന​തോ​ടെ റെ​യി​ൽ​വേ വി​ക​സ​ന രം​ഗ​ത്ത് വ​ൻ കു​തി​ച്ചു​ചാ​ട്ട​മാ​ണ് പ്ര​തീ​ക്ഷി​ക്കു​ന്ന​ത്.