അ​ലൂ​ർ: കേ​ര​ള​വും ക​ർ​ണാ​ട​ക​യും ത​മ്മി​ലു​ള്ള ര​ഞ്ജി ട്രോ​ഫി ക്രി​ക്ക​റ്റ് മ​ത്സ​ര​ത്തി​ന്‍റെ മൂ​ന്നാം​ദി​ന​വും വി​ല്ല​നാ​യി മ​ഴ. ന​ന​ഞ്ഞ ഔ​ട്ട്ഫീ​ല്‍​ഡി​നെ തു​ട​ര്‍​ന്ന് ഇ​ന്ന​ത്തെ മ​ത്സ​രം വൈ​കു​ക​യാ​ണ്. ര​ണ്ടാം ദി​ന​ത്തെ അ​വ​സാ​ന സെ​ഷ​ന്‍ മ​ഴ​യെ തു​ട​ര്‍​ന്ന് ഉ​പേ​ക്ഷി​ച്ചി​രു​ന്നു.

ഒ​ന്നാം​ദി​നം മ​ഴ​യെ തു​ട​ര്‍​ന്ന് മ​ത്സ​രം ഏ​റെ വൈ​കി​യാ​ണ് ആ​രം​ഭി​ച്ചി​രു​ന്ന​ത്. ആ​ദ്യ​ദി​നം 23 ഓ​വ​ര്‍ മാ​ത്ര​മാ​ണ് എ​റി​യാ​ന്‍ മാ​ത്ര​മാ​ണ് സാ​ധി​ച്ച​ത്.

ര​ണ്ടാം​ദി​നം അ​വ​സാ​നി​ക്കു​ന്പോ​ൾ മൂ​ന്ന് വി​ക്ക​റ്റ് ന​ഷ്ട​ത്തി​ൽ 161 റ​ണ്‍​സെ​ന്ന നി​ല​യി​ലാ​ണ് കേ​ര​ളം. 15 റ​ണ്‍​സു​മാ​യി സ​ഞ്ജു സാം​സ​ണും 23 റ​ണ്‍​സു​മാ​യി ക്യാ​പ്റ്റ​ൻ സ​ച്ചി​ൻ ബേ​ബി​യു​മാ​ണ് ക്രീ​സി​ൽ. രോ​ഹ​ൻ കു​ന്നു​മ്മ​ൽ 63 റ​ണ്‍​സ് നേ​ടി.

വ​ത്സ​ല്‍ ഗോ​വി​ന്ദ് (31), രോ​ഹ​ന്‍ കു​ന്നു​മ്മ​ല്‍ (63), ബാ​ബ അ​പ​രാ​ജി​ത് (19) എ​ന്നി​വ​രു​ടെ വി​ക്ക​റ്റു​ക​ളാ​ണ് ര​ണ്ടാം​ദി​നം കേ​ര​ള​ത്തി​ന് ന​ഷ്ട​മാ​യ​ത്. നേ​ര​ത്തെ ടോ​സ് നേ​ടി​യ ക​ര്‍​ണാ​ട​ക, കേ​ര​ള​ത്തെ ബാ​റ്റിം​ഗി​ന​യ​ക്കു​ക​യാ​യി​രു​ന്നു. വി​ക്ക​റ്റ് ന​ഷ്ട​മി​ല്ലാ​തെ 88 എ​ന്ന നി​ല​യി​ലാ​ണ് കേ​ര​ളം ര​ണ്ടാം ദി​നം ആ​രം​ഭി​ച്ച​ത്.

സി​ക്സ​ടി​ച്ചാ​ണ് ശ​നി​യാ​ഴ്ച സ​ഞ്ജു ഇ​ന്നിം​ഗ്സ് തു​ട​ങ്ങി​യ​ത്. പി​ന്നാ​ലെ ര​ണ്ട് ബൗ​ണ്ട​റി​ക​ളും. തു​ട​ര്‍​ന്ന് മ​ഴ​യെ​ത്തി​യ​തോ​ടെ മ​ത്സ​രം തു​ട​രാ​ന്‍ സാ​ധി​ച്ചി​ല്ല.