വാ​ഷിം​ഗ്ഡ​ണ്‍ ഡി​സി: റി​പ്പ​ബ്ലി​ക്ക​ന്‍ പ്ര​സി​ഡ​ന്‍​ഷ്യ​ല്‍ സ്ഥാ​നാ​ര്‍​ഥി​യും മു​ന്‍ അ​മേ​രി​ക്ക​ന്‍ പ്ര​സി​ഡ​ന്‍റു​മാ​യ ഡോ​ണ​ള്‍​ഡ് ട്രം​പി​ന്‍റെ തെ​ര​ഞ്ഞെ​ടു​പ്പ് പ്ര​ചാ​ര​ണ റാ​ലി​ക്കു സ​മീ​പം തോ​ക്കു​ക​ളു​മാ​യി 49കാ​ര​ൻ പോ​ലീ​സ് പി​ടിയിൽ. ലാ​സ് വേ​ഗ​സ് സ്വ​ദേ​ശി വെം ​മി​ല്ല​ര്‍ ആ​ണ് പി​ടി​യി​ലാ​യ​ത്.

കാ​ലി​ഫോ​ര്‍​ണി​യ​യി​ലെ റി​വ​ര്‍​സൈ​ഡ് കൗ​ണ്ടി​യി​ല്‍ ആ​ണ് സം​ഭ​വം. ട്രം​പി​ന്‍റെ റാ​ലി​ക്ക് സ​മീ​പം ര​ണ്ട് തോ​ക്കു​ക​ളു​മാ​യി ഇ​യാ​ളെ ക​ണ്ടെ​ത്തു​ക​യാ​യി​രു​ന്നു. ഇ​യാ​ളു​ടെ കാ​റി​ല്‍ ന​ട​ത്തി​യ തി​ര​ച്ചി​ലി​ലാ​ണ് തോ​ക്കു​ക​ള്‍ ക​ണ്ടെ​ത്തി​യ​ത്.

പ​ത്ര​പ്ര​വ​ര്‍​ത്ത​ക​നാ​ണെ​ന്നാ​ണ് ഇ​യാ​ള്‍ പോ​ലീ​സി​നോ​ട് അ​വ​കാ​ശ​പ്പെ​ട്ട​ത്. എ​ന്നാ​ല്‍ പ​രി​ശോ​ധ​ന​യി​ല്‍ വി​വി​ധ പേ​രു​ക​ളു​ള്ള ഒ​ന്നി​ല​ധി​കം പാ​സ്പോ​ര്‍​ട്ടു​ക​ളും ഡ്രൈ​വിം​ഗ് ലൈ​സ​ന്‍​സു​ക​ളും വെ​ടി​ക്കോ​പ്പു​ക​ളും ഇ​യാ​ളി​ല്‍ നി​ന്നും പോ​ലീ​സ് ക​ണ്ടെ​ത്തി. പി​ന്നീ​ട് ഇ​യാ​ളെ ജാ​മ്യ​ത്തി​ല്‍ വി​ട്ട​യ​ച്ചു. ട്രം​പ് സു​ര​ക്ഷിതനാണെന്ന് ഉ​ദ്യോ​ഗ​സ്ഥ​ര്‍ അ​റി​യി​ച്ചു.

നേ​ര​ത്തെ, ര​ണ്ടു​ത​വ​ണ ട്രം​പി​നു​നേ​രേ വ​ധ​ശ്ര​മം ന​ട​ന്നി​രു​ന്നു. ജൂ​ലൈ 13ന് ​ന​ട​ന്ന സം​ഭ​വ​ത്തി​ല്‍ ക​ഷ്ടി​ച്ചാ​ണ് ആദ്ദേഹം ര​ക്ഷ​പ്പെ​ട്ട​ത്. അ​ന്ന് ചെ​വി​ക്ക് പ​രി​ക്കേ​റ്റി​രു​ന്നു. അ​ക്ര​മി​യെ പി​ന്നീ​ട് പോ​ലീ​സ് ഏ​റ്റു​മു​ട്ട​ലി​ല്‍ കൊ​ല​പ്പെ​ടു​ത്തി​യി​രു​ന്നു.