അ​ബു​ദാ​ബി: ദ​ക്ഷി​ണാ​ഫ്രി​ക്ക​യ്ക്കെ​തി​രാ​യ ഏ​ക​ദി​ന പ​ര​ന്പ​ര​യി​ലെ മൂ​ന്നാം മ​ത്സ​ര​ത്തി​ൽ അ​യ​ർ​ല​ൻ​ഡി​ന് ജ​യം. 69 റ​ൺ​സി​നാ​ണ് അ​യ​ർ​ല​ൻ​ഡ് ദ​ക്ഷി​ണാ​ഫ്രി​ക്ക​യെ തോ​ൽ​പ്പി​ച്ച​ത്. മൂ​ന്നാം മ​ത്സ​ര​ത്തി​ൽ പ​രാ​ജ​യ​പ്പെ​ട്ടെ​ങ്കി​ലും ആ​ദ്യ ര​ണ്ട് മ​ത്സ​ര​ങ്ങ​ളും വി​ജ​യി​ച്ച ദ​ക്ഷി​ണാ​ഫ്രി​ക്ക പ​ര​ന്പ​ര സ്വ​ന്ത​മാ​ക്കി.

അ​ബു​ദാ​ബി​യി​ൽ ന​ട​ന്ന മ​ത്സ​ര​ത്തി​ൽ അ​യ​ർ​ല​ൻ​ഡ് ഉ​യ​ർ​ത്തി​യ 285 റ​ൺ​സ് വി​ജ​യ​ല​ക്ഷ്യം പി​ന്തു​ട​ർ​ന്ന ദ​ക്ഷി​ണാ​ഫ്രി​ക്ക​യ്ക്ക് 215 റ​ൺ​സ് നേ​ടാ​നെ സാ​ധി​ച്ചു​ള്ളു. 46.1 ഓ​വ​റി​ൽ ദ​ക്ഷി​ണാ​ഫ്രി​ക്ക ഓ​ൾ​ഔ​ട്ടാ​യി.

ദ​ക്ഷി​ണാ​ഫ്രി​ക്ക​ൻ നി​ര​യി​ൽ 91 റ​ൺ​സെ​ടു​ത്ത ജേ​സ​ൺ സ്മി​ത്തി​ന് മാ​ത്ര​മാ​ണ് തി​ള​ങ്ങാ​നാ​യ​ത്. മു​ൻ​നി​ര ബാ​റ്റ​ർ​മാ​ർ​ക്ക് ആ​ർ​ക്കും താ​ളം ക​ണ്ടെ​ത്താ​നാ​യി​ല്ല. കൈ​ൽ വെ​രെ​യ്ന് 38 റ​ൺ​സു​മാ​യി പി​ടി​ച്ചു​നി​ന്നു.

അ​യ​ർ​ല​ൻ​ഡി​നാ​യി ഗ്ര​ഹാം ഹ്യൂ​മും ക്രെ​യ്ജ് യം​ഗും മൂ​ന്ന് വി​ക്ക​റ്റ് വീ​തം വീ​ഴ്ത്തി. മാ​ർ​ക്ക് അ​ഡെ​യ്ർ ര​ണ്ട് വി​ക്ക​റ്റും ഫി​യോ​ൺ ഹാ​ൻ​ഡും മാ​ത്യു ഹം​പ്രെ​യ്സും ഓ​രോ വി​ക്ക​റ്റ് വീ​ത​യും നേ​ടി.

ആ​ദ്യം ബാ​റ്റ് ചെ​യ്ത അ​യ​ർ​ല​ൻ​ഡ് ഒ​ൻ​പ​ത് വി​ക്ക​റ്റ് ന​ഷ്ട​ത്തി​ലാ​ണ് 284 റ​ൺ​സെ​ടു​ത്ത​ത്. നാ​യ​ക​ൻ പോ​ൾ സ്റ്റി​ർ​ലിം​ഗും ഹാ​രി ടെ​ക്റ്റ​റും അ​ർ​ദ്ധ സെ​ഞ്ചു​റി നേ​ടി. സ്റ്റി​ർ​ലിം​ഗ് 88 റ​ൺ​സും ടെ​ക്റ്റ​ർ 60 റ​ൺ​സും സ്കോ​ർ ചെ​യ്തു. 45 റ​ൺ​സെ​ടു​ത്ത ഓ​പ്പ​ണ​ർ ബാ​ൽ​ബി​ർ​ണി​യും മി​ക​ച്ച പ്ര​ക​ട​ന​മാ​ണ് ന​ട​ത്തി​യ​ത്.

ദ​ക്ഷി​ണാ​ഫ്രി​ക്ക​യ്ക്കാ​യി ലി​സാ​ഡ് നാ​ല് വി​ക്ക​റ്റ് വീ​ഴ്ത്തി. ബാ​ർ​ട്ട്മാ​നും ഫെ​ലു​ക്‌​വാ​യോ​യും ര​ണ്ട് വി​ക്ക​റ്റ് വീ​ത​വും നേ​ടി. പോ​ൾ സ്റ്റി​ർ​ലിം​ഗ് ആ​ണ് ക​ളി​യി​ലെ താ​രം.