ആറ്റിങ്ങലിൽ വാഹനാപകടം: അഭിഭാഷക മരിച്ചു
Saturday, September 28, 2024 4:05 AM IST
ആറ്റിങ്ങൽ: തിരുവനന്തപുരം ആറ്റിങ്ങലിലുണ്ടായ വാഹനാപകടനത്തിൽ അഭിഭാഷക മരിച്ചു. കൊല്ലം കൊട്ടറ സ്വദേശിനി കൃപ മുകുന്ദനാ(29)ണ് മരിച്ചത്. ദേശീയപാതയിൽ ആറ്റിങ്ങൽ മാമത്ത് കണ്ടെയ്നർ ലോറി കയറിയിറങ്ങിയാണ് ബൈക്കിൽ യാത്ര ചെയ്തിരുന്ന കൃപ മരിച്ചത്.
കൃപയും ഭർത്താവ് കൊല്ലം പൂയപ്പള്ളി സ്വദേശി അഖിൽ ജിത്തുമൊത്ത് ബൈക്കിൽ യാത്ര ചെയ്യവേ കണ്ടെയ്നർ ലോറി ബൈക്കിന് പുറകിൽ ഇടിക്കുകയായിരുന്നു. റോഡിലേക്ക് വീണ കൃപയുടെ ദേഹത്ത് കൂടി ലോറി കയറി ഇറങ്ങി
കൃപയുടെ മൃതദേഹം വലിയ കുന്ന് താലൂക്ക് ആശുപത്രിയിലേക്ക് മാറ്റി. അപകടത്തിൽ പരിക്കേറ്റ അഖിൽ ജിത്തിനെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കൊട്ടാരക്കര ബാർ അസോസിയേഷനിലെ അഭിഭാഷകയായ കൃപ മുകുന്ദനും അഖിൽ ജിത്തുമായുള്ള വിവാഹം ഇക്കഴിഞ്ഞ ഓഗസ്റ്റ് മാസം 21നായിരുന്നു.