എം.എം. ലോറൻസിന്റെ മൃതദേഹം വൈദ്യപഠനത്തിന് വിട്ടുനൽകുന്നതിനെതിരേ മകൾ വീണ്ടും ഹൈക്കോടതിയിൽ
Friday, September 27, 2024 3:49 PM IST
കൊച്ചി: അന്തരിച്ച സിപിഎം നേതാവ് എം.എം. ലോറന്സിന്റെ മൃതദേഹം ഏറ്റെടുക്കാനുള്ള എറണാകുളം മെഡിക്കല് കോളജ് ഉപദേശക സമിതിയുടെ തീരുമാനത്തിനെതിരേ മകള് ആശ ലോറന്സ് വീണ്ടും ഹൈക്കോടതിയെ സമീപിച്ചു. ഉപദേശക സമിതി സ്വാധീനിക്കപ്പെട്ടു എന്ന ആരോപണവും അവര് നേരത്തേ ഉന്നയിച്ചിരുന്നു.
മെഡിക്കൽ കോളജ് പ്രിൻസിപ്പൽ നടത്തിയ ഹിയറിംഗ് നിയമപ്രകാരമായിരുന്നില്ലെന്നും ആശ ലോറൻസ് ഹർജിയിൽ വാദം ഉന്നയിക്കുമെന്നാണ് വിവരം. മതാചാരപ്രകാരം സംസ്കരിക്കണമെന്ന മൂത്ത സഹോദരി സുജാതയുടെ നിലപാടും ആശ ഹൈക്കോടതിയെ അറിയിക്കും.
നേരത്തെ മൃതദേഹം വിട്ടുകൊടുക്കാനുള്ള തീരുമാനത്തിനെതിരെ ആശ നല്കിയ ഹര്ജിയെ തുടര്ന്നാണ് ഉപദേശക സമിതി രൂപീകരിച്ച് വിഷയം തീര്പ്പാക്കാൻ ഹൈക്കോടതി നിര്ദേശിച്ചിരുന്നത്.