താഴാൻ മനസില്ല! സ്വര്ണവില വീണ്ടും സര്വകാല റിക്കാര്ഡില്
Monday, September 23, 2024 12:29 PM IST
കൊച്ചി: സംസ്ഥാനത്ത് സ്വര്ണവില വീണ്ടും സര്വകാല റിക്കാര്ഡില്. ഇന്ന് ഗ്രാമിന് 20 രൂപയും പവന് 160 രൂപയുമാണ് വര്ധിച്ചത്. ഇതോടെ സ്വര്ണവില ഗ്രാമിന് 6,980 രൂപയിലും പവന് 55,840 രൂപയിലുമാണ് വ്യാപാരം പുരോഗമിക്കുന്നത്.
ശനിയാഴ്ച ഗ്രാമിന് 75 രൂപയും പവന് 600 രൂപയും കൂടിയിരുന്നു. വെള്ളിയാഴ്ച സ്വർണവില പവന് 480 രൂപ കൂടിയിരുന്നു. ഇതോടെ, നാലു ദിവസത്തിനിടെ 1,200 രൂപയാണ് പവന് വർധിച്ചത്.
മേയില് രേഖപ്പെടുത്തിയ പവന് 55,120 എന്ന റിക്കാര്ഡ് തിരുത്തിയാണ് കഴിഞ്ഞ ദിവസം സ്വര്ണവില പുതിയ ഉയരം കുറിച്ചത്. സെപ്റ്റംബർ ഒന്നിന് 53,560 രൂപയായിരുന്നു വില. തുടർന്നുള്ള മൂന്ന് ദിവസങ്ങളിൽ ഈ മാസത്തെ ഏറ്റവും താഴ്ന്ന വിലയായ 53,360 രൂപയിലാണ് സ്വർണമെത്തിയത്. പടിപടി ഉയര്ന്ന സ്വര്ണവില സെപ്റ്റംബര് 16നാണ് വീണ്ടും 55,000 കടന്നത്.
എന്നാല് പിന്നീടുള്ള മൂന്ന് ദിവസം ഇടിഞ്ഞതോടെ സ്വര്ണവില വീണ്ടും 55,000ല് താഴെയെത്തി. എന്നാല് വെള്ളിയാഴ്ച ഒറ്റയടിക്ക് 480 രൂപ വര്ധിച്ച് വീണ്ടും സ്വര്ണവില 55,000ന് മുകളില് എത്തിയ സ്വർണം ഇന്ന് വീണ്ടും കുതിപ്പ് തുടര്ന്നതോടെ പുതിയ ഉയരം കുറിക്കുകയായിരുന്നു.