ഷിരൂർ ദൗത്യം; ഇന്നും തെരച്ചിൽ തുടുരും
Sunday, September 22, 2024 6:19 AM IST
ബംഗളൂരു: ഷിരൂരിൽ മണ്ണിടിച്ചിലിൽ കാണാതായ ട്രക്ക് ഡ്രൈവർ അർജുനെ കണ്ടെത്തുന്നതിനായുള്ള തെരച്ചിൽ ഇന്നും തുടരും. നാവികസേന പുഴയിൽ മാർക്ക് ചെയ്ത് നൽകിയ സിപി-4 എന്ന പോയന്റിലാണ് ഇന്ന് തെരച്ചിൽ നടത്തുക. ഗോവയിൽനിന്ന് ഡ്രെഡ്ജർ എത്തിച്ച് ശനിയാഴ്ച തെരച്ചിൽ പുനരാരംഭിച്ചിരുന്നു.
തെരച്ചിലിൽ ഒരു വാഹനത്തിന്റെ അവശിഷ്ടങ്ങൾ കണ്ടെത്തിയിരുന്നു. എന്നാൽ ഈശ്വർ മാൽപെ പുഴയിൽനിന്ന് കണ്ടെത്തിയ ക്യാബിനും ടയറുകളും അര്ജുന്റെ ലോറിയുടേതല്ലെന്ന് ഉടമ മനാഫ് സ്ഥിരീകരിച്ചു.
ഈശ്വര് മല്പെ ഗംഗാവലി പുഴയിലിറങ്ങി നടത്തിയ പരിശോധനയിൽ ആദ്യത്തെ പോയിന്റില് നിന്നാണ് ടാങ്കറിന്റെ രണ്ട് ടയറുകളും ആക്സിലേറ്ററും കണ്ടെത്തിയത്. രണ്ടാം പോയിന്റില് നിന്നാണ് ടാങ്കറിന്റെ ക്യാബിന് കണ്ടെത്തിയത്.