ആ​ലു​വ: മ​ല​യാ​ള​ത്തി​ന്‍റെ പ്രി​യ ന​ടി ക​വി​യൂ​ർ പൊ​ന്ന​മ്മ​യ്ക്ക് വി​ട​ചൊ​ല്ലി നാ​ട്. ഔ​ദ്യോ​ഗി​ക ബ​ഹു​മ​തി​ക​ളോ​ടെ സം​സ്കാ​രം ആ​ലു​വാ​യി​ലെ ക​രു​മാ​ലൂ​ര്‍ ശ്രീ​പ​ദം വീ​ട്ടു​വ​ള​പ്പി​ൽ ന​ട​ന്നു. പൊ​ന്ന​മ്മ​യു​ടെ സ​ഹോ​ദ​ര​നാ​ണ് ചി​ത​യ്ക്ക് തീ​കൊ​ളു​ത്തി​യ​ത്.

നി​ര​വ​ധി​പേ​രാ​ണ് പൊ​ന്ന​മ്മ​യ്ക്ക് ആ​ദാ​ര​ഞ്ജ​ലി​ക​ൾ അ​ർ​പ്പി​ച്ച് വീ​ട്ടി​ലും പൊ​തു​ദ​ർ​ശ​നം ന​ട​ന്ന ക​ള​മ​ശേ​രി ടൗ​ൺ ഹാ​ളി​ലും എ​ത്തി​യ​ത്.

മ​മ്മൂ​ട്ടി, മോ​ഹ​ൻ​ലാ​ൽ, സു​രേ​ഷ് ഗോ​പി എം​പി, മ​ന്ത്രി പി. ​രാ​ജീ​വ്, ഹൈ​ബി ഈ​ഡ​ൻ എം​പി, സി​ദ്ദീ​ഖ്, മ​നോ​ജ് കെ. ​ജ​യ​ൻ, ര​ഞ്ജി പ​ണി​ക്ക​ർ, ജ​യ​സൂ​ര്യ, നി​ഖി​ല വി​മ​ൽ തു​ട​ങ്ങി സി​നി​മ -രാ​ഷ്ട്രീ​യ സാം​സ്കാ​രി​ക രം​ഗ​ത്തു​നി​ന്നും നി​ര​വ​ധി​പേ​രാ​ണ് ക​വി​യൂ​ർ പൊ​ന്ന​മ്മ​യെ അ​വ​സാ​ന​മാ​യി കാ​ണാ​നെ​ത്തി​യ​ത്.

എ​റ​ണാ​കു​ളം ലി​സി ആ​ശു​പ​ത്രി​യി​ല്‍ അ​ർ​ബു​ദ ബാ​ധി​ത​യാ​യി ചി​കി​ത്സ​യി​ലി​രി​ക്കെ വെ​ള്ളി​യാ​ഴ്ച വൈ​കു​ന്നേ​ര​ത്തോ​ടെ​യാ​ണ് ക​വി​യൂ​ര്‍ പൊ​ന്ന​മ്മ അ​ന്ത​രി​ച്ച​ത്.

1971,1972,1973, 1994 എ​ന്നി​ങ്ങ​നെ നാ​ല് ത​വ​ണ മി​ക​ച്ച ര​ണ്ടാ​മ​ത്തെ ന​ടി​ക്കു​ള്ള സം​സ്ഥാ​ന അ​വാ​ർ​ഡ് സ്വ​ന്ത​മാ​ക്കി. സം​ഗീ​ത, നാ​ട​ക രം​ഗ​ത്ത് നി​ന്നും സി​നി​മാ മേ​ഖ​ല​യി​ലെ​ത്തി അ​മ്മ വേ​ഷ​ങ്ങ​ളി​ൽ ശ്ര​ദ്ധേ​യ​യാ​യി. ടെ​ലി​വി​ഷ​നി​ലും സ​ജീ​വ​മാ​യി​രു​ന്നു.