കാര്ഷിക സര്വകലാശാല ഫോറസ്റ്ററി കോളജ് ഡീന് ട്രെയിന് തട്ടി മരിച്ചു
Sunday, September 1, 2024 11:55 PM IST
തിരുവനന്തപുരം: തൃശൂർ കേരള കാർഷിക സർവകലാശാല ഫോറസ്റ്ററി കോളജ് ഡീൻ ഡോ.ഇ.വി.അനൂപിനെ (56) ട്രെയിൻ തട്ടി മരിച്ച നിലയിൽ കണ്ടെത്തി. തിരുവനന്തപുരം പേട്ടയില് വച്ചായിരുന്നു സംഭവം.
2021 മുതൽ വെള്ളാനിക്കരയിലെ ഫോറസ്റ്ററി കോളജ് ഡീനായ അനൂപ് ഫോറസ്റ്റ് പ്രൊഡക്ട് ആൻഡ് യൂട്ടിലൈസഷൻ ഡിപ്പാർട്ടുമെന്റിന്റെ മേധാവിയുമാണ്. വുഡ് അനാട്ടമി, ടിംബര് ഐഡന്റിഫിക്കേഷന്, വുഡ് ക്വാളിറ്റി ഇവാലുവേഷന്, ഡെന്ഡ്രോക്രോണോളജി എന്നീ മേഖലകളില് ദേശീയ തലത്തില് അറിയപ്പെടുന്ന വിദഗ്ധനാണ് അനൂപ്.
തിരുവനന്തപുരം ബേക്കറി ജംഗ്ഷൻ സ്വദേശിയായ അനൂപ് സാഹിത്യകാരൻ ഇ.വാസുവിന്റെ മകനാണ്. ഭാര്യ: രേണുക. മക്കൾ: അഞ്ജന, അർജുൻ.