ലേയില് ശ്വാസതടസത്തെ തുടര്ന്ന് വിനോദസഞ്ചാരി മരിച്ചു
Sunday, September 1, 2024 7:16 PM IST
ലേ: ശ്വാസതടസത്തെ തുടര്ന്ന് ഉത്തര്പ്രദേശ് സ്വദേശിയായ വിനോദസഞ്ചാരി ലേയില് മരിച്ചു.ബൈക്കില് തനിച്ച് യാത്രചെയ്തിരുന്ന ചിന്മയി ശര്മയാണ് മരിച്ചത്. 27 വയസായിരുന്നു.
നോയിഡയില് പ്രവര്ത്തിക്കുന്ന ഡിജിറ്റല് മാര്ക്കറ്റിംഗ് ഏജന്സിയിലാണ് യുവാവ് ജോലി ചെ്തിരുന്നത്. ലഡാക്കിലെ വിവിധ സ്ഥലങ്ങള് സന്ദര്ശിക്കുന്നതായാണ് ചിന്മയി യാത്ര പുറപ്പെട്ടത്. ഓഗസ്റ്റ് 22നാണ് യാത്ര തുടങ്ങിയത്.
ലേയില് എത്തിയ സമയത്താണ് ശ്വാസതടസം അനുഭവപ്പെട്ടത്. തുടര്ന്ന് കുഴഞ്ഞുവീണ യുവാവിനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.