കളമശേരിയിൽ ബസിൽ കയറി കണ്ടക്ടറെ കുത്തിക്കൊന്ന പ്രതി പിടിയിൽ
Saturday, August 31, 2024 7:20 PM IST
എറണാകുളം: കളമശേരിയിൽ ബസിൽ കയറി കണ്ടക്ടറെ കുത്തിക്കൊന്ന പ്രതി പിടിയിൽ. കളമശേരി സ്വദേശി മിനൂപ് ബിജു ആണ് പിടിയിലായത്. പെൺ സുഹൃത്തിനെ കളിയാക്കിയതിനു പിന്നിലെ പകയാണ് കൊലയ്ക്കു പിന്നിലെന്നാണ് സൂചന.
ഇടുക്കി രാജകുമാരി സ്വദേശിയായ അനീഷ് പീറ്റർ (34) ആണ് കൊല്ലപ്പെട്ടത്. മെഡിക്കൽ കോളജിൽനിന്ന് ഷട്ടിൽ സർവീസ് നടത്തുന്ന അസ്ത്ര ബസിൽവച്ചാണ് സംഭവം. ബസ് കളമശേരി എച്ച്എംടി ജംഗ്ഷനിൽ വച്ച് ബസിൽ ചാടിക്കയറി അക്രമി കണ്ടക്ടറെ കുത്തിക്കൊലപ്പെടുത്തുകയായിരുന്നു.
മാസ്ക് ധരിച്ചെത്തിയ ഇയാൾ ഇതിന് പിന്നാലെ ഓടി രക്ഷപെട്ടിരുന്നു. തുടർന്ന് പോലീസ് ഇയാൾക്കായി തെരച്ചിൽ നടത്തുകയായിരുന്നു.