അ​മ​രാ​വ​തി: ആ​ന്ധ്രാ​പ്ര​ദേ​ശി​ൽ എ​ൻ​ജി​നി​യ​റിം​ഗ് കോ​ള​ജി​ലെ വ​നി​താ ഹോ​സ്റ്റ​ലി​ലെ ശു​ചി​മു​റി​യി​ല്‍ ഒ​ളി​കാ​മ​റ സ്ഥാ​പി​ച്ച് ദൃ​ശ്യ​ങ്ങ​ൾ പ​ക​ർ​ത്തി​യ വി​ദ്യാ​ർ​ഥി അ​റ​സ്റ്റി​ൽ. കൃ​ഷ്ണ​ന്‍ ജി​ല്ല​യി​ലെ എ​സ്ആ​ര്‍ ഗു​ഡ്‌​ല​വ​ല്ലെ​രു എ​ൻ​ജി​നി​യ​റിം​ഗ് കോ​ള​ജി​ലാ​ണ് സം​ഭ​വം.

ബി​ടെ​ക് അ​വ​സാ​ന വ​ര്‍​ഷ വി​ദ്യാ​ർ​ഥി​യാ​യ വി​ജ​യ് കു​മാ​റാ​ണ് അ​റ​സ്റ്റി​ലാ​യ​ത്. ഇ​യാ​ളു​ടെ ലാ​പ്‌​ടോ​പും പോ​ലീ​സ് ക​ണ്ടു​കെ​ട്ടി. ഒ​ളി​കാ​മ​റ​യി​ലൂ​ടെ റെ​ക്കോ​ര്‍​ഡ് ചെ​യ്ത വി​ദ്യാ​ർ​ഥി​നി​ക​ളു​ടെ ദൃ​ശ്യ​ങ്ങ​ൾ വി​ജ​യ് സ​ഹ​പാ​ഠി​ക​ൾ ഉ​ൾ​പ്പെ​ടെ പ​ല​ർ​ക്കും വി​റ്റ​താ​യും പോ​ലീ​സ് പ​റ​ഞ്ഞു. ഏ​ക​ദേ​ശം 300 ഫോ​ട്ടോ​ക​ളും വീ​ഡി​യോ​ക​ളും പ്ര​ച​രി​ച്ചി​ട്ടു​ണ്ടെ​ന്നാ​ണ് റി​പ്പോ​ര്‍​ട്ടു​ക​ള്‍ സൂ​ചി​പ്പി​ക്കു​ന്ന​ത്.

വ്യാ​ഴാ​ഴ്ച വൈ​കു​ന്നേ​ര​മാ​ണ് ശു​ചി​മു​റി​യി​ലെ ഒ​ളി​കാ​മ​റ വി​ദ്യാ​ർ​ഥി​നി​ക​ളു​ടെ ശ്ര​ദ്ധ​യി​ൽ​പെ​ട്ട​ത്. തു​ട​ർ​ന്ന് പ്ര​തി​യെ ക​ണ്ടെ​ത്ത​ണ​മെ​ന്ന് ആ​വ​ശ്യ​പ്പെ​ട്ട് വൈ​കു​ന്നേ​രം ഏ​ഴി​ന് ആ​രം​ഭി​ച്ച വി​ദ്യാ​ർ​ഥി​പ്ര​തി​ഷേ​ധം ഇ​ന്നു​രാ​വി​ലെ വ​രെ നീ​ണ്ടു. "ഞ​ങ്ങ​ൾ​ക്ക് നീ​തി വേ​ണം" എ​ന്ന മു​ദ്രാ​വാ​ക്യം ഉ​യ​ർ​ത്തി​യാ​യി​രു​ന്നു പ്ര​തി​ഷേ​ധം. ഹോ​സ്റ്റ​ലി​ലെ ശു​ചി​മു​റി​യി​ൽ പോ​വാ​ൻ പോ​ലും ഭ​യ​മാ​ണെ​ന്ന് വി​ദ്യാ​ർ​ഥി​നി​ക​ൾ പ​റ​ഞ്ഞു.

പ്ര​തി​ഷേ​ധ​ങ്ങ​ൾ​ക്കു പി​ന്നാ​ലെ ആ​ൺ​കു​ട്ടി​ക​ളു​ടെ ഹോ​സ്റ്റ​ലി​ൽ നി​ന്ന് വി​ജ​യ് കു​മാ​റി​നെ പോ​ലീ​സ് പി​ടി​കൂ​ടു​ക​യാ​യി​രു​ന്നു. എ​ങ്ങ​നെ​യാ​ണ് പ്ര​തി വ​നി​താ ഹോ​സ്റ്റ​ലി​ൽ ഒ​ളി​കാ​മ​റ സ്ഥാ​പി​ച്ച​ത് എ​ന്ന​തി​നെ കു​റി​ച്ചും കൂ​ടു​ത​ൽ വി​ദ്യാ​ർ​ഥി​ക​ൾ ഉ​ൾ​പ്പെ​ട്ടി​ട്ടു​ണ്ടോ എ​ന്ന​തി​നെ കു​റി​ച്ചും അ​ന്വേ​ഷ​ണം ന​ട​ക്കു​ക​യാ​ണെ​ന്ന് പോ​ലീ​സ് അ​റി​യി​ച്ചു.