ഭു​വ​നേ​ശ്വ​ർ: പെ​ൺ​കു​ട്ടി​യെ ശ​ല്യം ചെ​യ്ത​തി​ന് വ​ഴ​ക്കു പ​റ​ഞ്ഞ​തി​ൽ ക​ലി​പൂ​ണ്ട വി​ദ്യാ​ർ​ഥി​ക​ൾ യു​വാ​വി​നെ വെ​ട്ടി​ക്കൊ​ന്നു. ഒ​ഡീ​ഷ​യി​ലെ ഭു​വ​നേ​ശ്വ​റി​ലെ ഖ​ണ്ഡ​ഗി​രി പോ​ലീ​സ് സ്റ്റേ​ഷ​ൻ പ​രി​ധി​യി​ലെ ര​ഘു​നാ​ഥ് ന​ഗ​റി​ലാ​ണ് സം​ഭ​വം.

മു​ഖ്യ​പ്ര​തി ഉ​ൾ​പ്പെ​ടെ പ്രാ​യ​പൂ​ർ​ത്തി​യാ​കാ​ത്ത ര​ണ്ടു​പേ​രെ ക​സ്റ്റ​ഡി​യി​ലെ​ടു​ത്തി​ട്ടു​ണ്ട്. ഭു​വ​നേ​ശ്വ​റി​ലെ പ്രാ​ദേ​ശി​ക കോ​ള​ജി​ലെ 12-ാം ക്ലാ​സ് വി​ദ്യാ​ർ​ഥി​യാ​ണ് പ്ര​തി. ര​ഘു​നാ​ഥ് ന​ഗ​ർ ഏ​രി​യ​യി​ലെ സു​ക വി​ഹാ​റി​ലെ ജ​ഗ എ​ന്ന ജ​ഗ​ത് മ​ല്ലി​ക്(30) ആ​ണ് കൊ​ല്ല​പ്പെ​ട്ട​ത്. ഇ‍​യാ​ൾ ഓ​ട്ടോ ഡ്രൈ​വ​റാ​ണ്.

ക​ട്ട​ക്കി​ൽ ഒ​രു സാം​സ്‌​കാ​രി​ക പ​രി​പാ​ടി​യി​ൽ പ​ങ്കെ​ടു​ത്ത് വീ​ട്ടി​ലേ​ക്ക് മ​ട​ങ്ങു​ക​യാ​യി​രു​ന്ന ഇ‍​യാ​ളു​ടെ വാ​ഹ​നം പ്ര​തി​ക​ൾ വീ​ടി​ന് അ​ടു​ത്ത് വ​ച്ച് ത​ട​ഞ്ഞു. തു​ട​ർ​ന്ന് പ്ര​തി​ക​ളും മ​ല്ലി​ക്കും ത​മ്മി​ൽ വാ​ക്കേ​റ്റ​മു​ണ്ടാ​യി.

തു​ട​ർ​ന്ന് ഇ​വ​ർ മ​ല്ലി​ക്കി​നെ ആ​ക്ര​മി​ക്കു​ക​യാ​യി​രു​ന്നു. ഗു​രു​ത​ര​മാ​യി പ​രി​ക്കേ​റ്റ് വ​ഴി​യി​ൽ കി​ട​ന്ന ഇ​യാ​ൾ ചോ​ര​വാ​ർ​ന്ന് ആ​ണ് മ​രി​ച്ച​ത്. മ​ല്ലി​ക്കി​നെ ഭു​വ​നേ​ശ്വ​റി​ലെ എ​യിം​സി​ൽ എ​ത്തി​ച്ചെ​ങ്കി​ലും മ​ര​ണം സം​ഭ​വി​ച്ചി​രു​ന്നു. തു​ട​ർ​ന്ന് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ളെ പി​ടി​കൂ​ടി​യ​ത്.