റി​യാ​ദ്: സൗ​ദി അറേബ്യയുടെ കി​ഴ​ക്ക​ൻ പ്ര​വി​ശ്യ​യി​ലെ അ​ൽ ഖോ​ബാ​റി​ൽ മ​ല​യാ​ളി ദ​മ്പ​തി​ക​ളെ ഫ്ലാ​റ്റി​ൽ​ മ​രി​ച്ച നി​ല​യി​ൽ ക​ണ്ടെ​ത്തി. കൊ​ല്ലം ക​രു​വ അ​ഞ്ചാ​ലം​മൂ​ട് സ്വ​ദേ​ശി​യാ​യ അ​നൂ​പ് മോ​ഹ​ൻ, ഭാ​ര്യ റെ​മി​മോ​ൾ വ​സ​ന്ത​കു​മാ​രി എ​ന്നി​വ​രുടെ മൃതദേഹങ്ങളാണ് കണ്ടെത്തിയത്.

അ​ഞ്ച് വ​യ​സു​ള്ള ഇ​വ​രു​ടെ മ​ക​ളു​ടെ ക​ര​ച്ചി​ൽ കേ​ട്ട് അ​യ​ൽ​വാ​സി​ക​ൾ പോ​ലീ​സി​ൽ വി​വ​ര​മ​റി​യി​ക്കു​ക​യാ​യി​രു​ന്നു. തു​ട​ർ​ന്ന് പോ​ലീ​സ് സ്ഥ​ല​ത്തെത്തി ഫ്ലാ​റ്റി​ന്‍റെ വാ​തി​ൽ പൊ​ളി​ച്ച് അ​ക​ത്ത് ക​യ​റി​യ​പ്പോഴാണ് മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ​ത്.

അ​മ്മ ര​ണ്ട് മൂ​ന്ന് ദി​വ​സങ്ങളാ​യി ക​ട്ടി​ലി​ൽ ത​ന്നെ മി​ണ്ടാ​തെ കി​ട​ക്കു​ക​യാ​യി​രു​ന്നു​വെ​ന്നാ​ണ് കു​ട്ടി പ​റ​യു​ന്ന​ത്. ക​ട്ടി​ലി​ൽ കി​ട​ന്ന ത​ന്‍റെ മു​ഖ​ത്ത് ത​ല​യ​ണ അ​മ​ർ​ത്തി അ​ച്ഛ​ൻ കൊ​ല്ലാ​ൻ ശ്ര​മി​ച്ചു​വെ​ന്നും ക​ര​ഞ്ഞ​പ്പോ​ൾ പി​ന്മാ​റു​ക​യാ​യി​രു​ന്നു​വെ​ന്നും കു​ട്ടി പ​റ​യു​ന്നു.

കു​ട്ടി​യെ നി​ല​വി​ൽ മ​റ്റൊ​രു കു​ടു​ബ​ത്തി​ന്‍റെ പ​ക്ക​ൽ ​ഏ​ൽ​പ്പി​ച്ചി​രി​ക്കു​ക​യാ​ണ്. മ​രി​ച്ച ദ​മ്പ​തി​ക​ളു​ടെ മൃ​ത​ദേ​ഹങ്ങൾ ആ​ശു​പ​ത്രി​യി​ലേ​ക്ക് മാ​റ്റി. കു​ടും​ബ വ​ഴ​ക്കി​നെ​ത്തു​ട​ർ​ന്ന് ഇ​വ​ർ ആ​ത്മ​ഹ​ത്യ ചെ​യ്ത​താ​യി​രി​ക്കാം എ​ന്നാ​ണ് പ്രാഥമിക നി​ഗ​മ​നം. സൗദി പോലീസ് അന്വേഷണം ആരംഭിച്ചു.