ഹേമ കമ്മിറ്റി റിപ്പോർട്ടിൽ നടപടി വേണം; ദേശീയ വനിതാ കമ്മീഷനെ സമീപിച്ച് ബിജെപി
Thursday, August 29, 2024 5:11 PM IST
ന്യൂഡൽഹി: ഹേമ കമ്മിറ്റി റിപ്പോർട്ടിന്റെ അടിസ്ഥാനത്തിൽ കുറ്റക്കാർക്കെതിരെ നടപടി എടുക്കണമെന്ന് ആവശ്യപ്പെട്ട് ബിജെപി ദേശീയ വനിതാ കമ്മീഷന് പരാതി നൽകും. ഇരയാക്കപ്പെട്ടവരുടെ സ്വകാര്യത സംരക്ഷിച്ചുകൊണ്ട് കുറ്റക്കാർക്ക് എതിരെ ശക്തമായ നടപടി വേണമെന്നാണ് ബിജെപിയുടെ ആവശ്യം.
ബിജെപി നേതാക്കളായ സന്ദീപ് വചസ്പതി, ശിവ ശങ്കർ എന്നിവരാണ് പരാതി നൽകുക. റിപ്പോർട്ടിലെ കുറ്റക്കാരോട് സർക്കാർ വിലപേശുന്നുണ്ടോ എന്ന് സംശയമുണ്ടെന്നും ആരോപണം നേരിടുന്നവരുടെ പേരുകൾ ഒളിച്ചു വയ്ക്കേണ്ടതില്ലെന്നും ഇവർ പറയുന്നു.
ഇപ്പോൾ കേസെടുത്തിരിക്കുന്നത് റിപ്പോർട്ടിൽ പരാമർശിക്കപ്പെട്ടവർക്കെതിരെ അല്ലെന്നും ദേശീയ വനിതാ കമ്മീഷന് മുന്നിൽ നേതാക്കൾ പറയും. അതേസമയം നടിമാരുടെ വെളിപ്പെടുത്തലിന്റെ അടിസ്ഥാനത്തിൽ പ്രത്യേക അന്വേഷണ സംഘം കേസ് എടുത്ത് നടപടികളുമായി മുന്നോട്ടു പോകുകയാണ്.