അ​ഹ​മ്മ​ദാ​ബാ​ദ്: ഗു​ജ​റാ​ത്തി​ൽ ഗു​ഡ്സ് ട്രെ​യി​നി​ന്‍റെ ലോ​ക്കോ പൈ​ല​റ്റ് എ​മ​ർ​ജ​ൻ​സി ബ്രേ​ക്ക് പ്ര​വ​ർ​ത്തി​പ്പി​ച്ച​തി​നാ​ൽ റെ​യി​ൽ​ലേ ട്രാ​ക്കി​ൽ നി​ന്നി​രു​ന്ന അ​ഞ്ച് സിം​ഹ​ങ്ങ​ൾ ര​ക്ഷ​പെ​ട്ടു.

അ​മ്രേ​ലി ജി​ല്ല​യി​ലാ​ണ് സം​ഭ​വം. ഗി​ർ വ​ന​ത്തി​ലെ പി​പാ​വാ​വ്-​റ​ജു​ല സെ​ക്ഷ​നി​ൽ പു​ല​ർ​ച്ചെ 4.30 ഓ​ടെ​യാ​ണ് സം​ഭ​വം ന​ട​ന്ന​തെ​ന്ന് പ​ശ്ചി​മ റെ​യി​ൽ​വേ​യു​ടെ ഭാ​വ്‌​ന​ഗ​ർ ഡി​വി​ഷ​ൻ പ്ര​സ്താ​വ​ന​യി​ൽ പ​റ​ഞ്ഞു.

ലോ​ക്കോ പൈ​ല​റ്റ് ഭൂ​പേ​ന്ദ്ര മീ​ണ​യാ​ണ് ഗു​ഡ്‌​സ് ട്രെ​യി​ൻ നി​യ​ന്ത്രി​ച്ചി​രു​ന്ന​ത്. സിം​ഹ​ങ്ങ​ളു​ടെ​യും മ​റ്റും സു​ര​ക്ഷ ഉ​റ​പ്പാ​ക്കാ​ൻ അ​വി​ടെ വി​ന്യ​സി​ച്ചി​രി​ക്കു​ന്ന വ​നം​വ​കു​പ്പ് ട്രാ​ക്ക​ർ​മാ​ർ ടോ​ർ​ച്ച് വെ​ളി​ച്ച​ത്തി​ൽ ട്രാ​ക്കി​ൽ സിം​ഹ​ങ്ങ​ളു​ടെ സാ​ന്നി​ധ്യം ഉ​ണ്ടെ​ന്ന് ഭൂ​പേ​ന്ദ്ര മീ​ണ​യെ അ​റി​യി​ച്ചു.

വി​വ​രം മ​ന​സി​ലാ​ക്കി ലോ​ക്കോ പൈ​ല​റ്റ് എ​മ​ർ​ജ​ൻ​സി ബ്രേ​ക്ക് പ്ര​വ​ർ​ത്തി​പ്പി​ച്ച് ട്രെ​യി​ൻ നി​ർ​ത്തി. ഈ ​സ​മ​യം സിം​ഹ​ങ്ങ​ൾ പാ​ള​ത്തി​ൽ നി​ന്ന് മാ​റി​പ്പോ​യി. തു​ട​ർ​ന്നാ​ണ് ട്രെ​യി​ൻ യാ​ത്ര തു​ട​ർ​ന്ന​ത്. ഗു​ജ​റാ​ത്തി​ൽ ഈ ​മാ​സം ലോ​ക്കോ പൈ​ല​റ്റു​മാ​ർ സിം​ഹ​ങ്ങ​ളു​ടെ ജീ​വ​ൻ ര​ക്ഷി​ക്കു​ന്ന ര​ണ്ടാ​മ​ത്തെ സം​ഭ​വ​മാ​ണി​ത്.

ഓ​ഗ​സ്റ്റ് 19 ന്, ​പി​പാ​വാ​വി​നും റ​ജു​ല​യ്ക്കും ഇ​ട‍​യി​ൽ ലോ​ക്കോ പൈ​ല​റ്റി​ന്‍റെ സ​മ​യോ​ചി​ത​മാ​യ ഇ​ട​പെ​ട​ലി​നെ തു​ട​ർ​ന്ന് ര​ണ്ട് സിം​ഹ​ങ്ങ​ൾ ര​ക്ഷ​പെ​ട്ടി​രു​ന്നു.

ക​ഴി​ഞ്ഞ ഏ​താ​നും വ​ർ​ഷ​ങ്ങ​ളാ​യി പി​പാ​വാ​വ് തു​റ​മു​ഖ​ത്തെ വ​ട​ക്ക​ൻ ഗു​ജ​റാ​ത്തു​മാ​യി ബ​ന്ധി​പ്പി​ക്കു​ന്ന റെ​യി​ൽ​വേ ലൈ​നി​ൽ നി​ര​വ​ധി സിം​ഹ​ങ്ങ​ൾ ട്രെ​യി​നി​ടി​ച്ച് ച​ത്തു​പോ​വു​ക​യോ ഗു​രു​ത​ര​മാ​യി പ​രി​ക്കേ​ൽ​ക്കു​ക​യോ ചെ​യ്തി​ട്ടു​ണ്ട്.

2024 ഏ​പ്രി​ൽ മു​ത​ൽ ഭാ​വ്‌​ന​ഗ​ർ റെ​യി​ൽ​വേ ഡി​വി​ഷ​നി​ലെ ലോ​ക്കോ പൈ​ല​റ്റു​മാ​ർ 60 സിം​ഹ​ങ്ങ​ളു​ടെ ജീ​വ​ൻ ര​ക്ഷി​ച്ച​താ​യാ​ണ് റി​പ്പോ​ർ​ട്ട്.