ഗുരുവായൂര് ക്ഷേത്രത്തിൽ മരച്ചില്ല ഒടിഞ്ഞ് വീണ് യുവതിക്ക് പരിക്ക്
Tuesday, July 16, 2024 12:50 AM IST
തൃശൂർ: ശക്തമായ കാറ്റിലും മഴയിലും ഗുരുവായൂര് ക്ഷേത്രത്തിൽ മരച്ചില്ല ഒടിഞ്ഞ് വീണ് യുവതിക്ക് പരിക്ക്. നോര്ത്ത് പറവൂര് സ്വദേശി കണിയരിക്കല് അനുമോള്ക്കാണ് പരിക്കേറ്റത്.
ക്ഷേത്രത്തിലെ കൂവളത്തിന്റെ ചില്ലയാണ് ഇവരുടെ ദേഹത്തേക്ക് ഒടിഞ്ഞ് വീണത്. ദർശനത്തിന് ശേഷം പ്രസാദം വാങ്ങുന്നതിനായി എത്തിയപ്പോളാണ് അപകടമുണ്ടായത്.
മരത്തിന്റെ ചില്ല വീണ് ഇവരുടെ തലയ്ക്ക് പരിക്കേറ്റു. തുടർന്ന് യുവതിയെ ഉടൻ ദേവസ്വം മെഡിക്കല് സെന്ററില് എത്തിച്ചു.