പി.ബി.നൂഹിനെ ടൂറിസം ഡയറക്ടര് സ്ഥാനത്തുനിന്നു മാറ്റി
Monday, July 8, 2024 8:56 PM IST
തിരുവനന്തപുരം: ടൂറിസം ഡറക്ടര് സ്ഥാനത്തുനിന്നു പി.ബി.നൂഹിനെ മാറ്റി. സപ്ലൈകോ സിഎംഡിയായിട്ടാണ് പുതിയ നിയമനം. സപ്ലൈകോ സിഎംഡി സ്ഥാനത്തുനിന്നു ശ്രീറാം വെങ്കിട്ടരാമനെ മാറ്റിയാണ് നൂഹിനെ നിയമിച്ചത്.
ശ്രീറാമിനു പകരം നിയമനം നല്കിയിട്ടില്ല. ടൂറിസം ഡയറക്ടറായി കെടിഡിസി എംഡിയും ആരോഗ്യക്ഷേകവകുപ്പ് ഡെപ്യൂട്ടി സെക്രട്ടറിയുമായ ശിഖ സുരേന്ദ്രനെയാണ് നിയമിച്ചത്. ശിഖ കെടിഡിസി എംഡി സ്ഥാനവും വഹിക്കും.
എറണാകുളം ജില്ലാ വികസന കമ്മീഷണര് എം.എസ്.മാധവിക്കുട്ടിയെ ആരോഗ്യകുടുംബക്ഷേമ വകുപ്പ് ഡെപ്യൂട്ടി സെക്രട്ടറിയാക്കി. ഫോര്ട്ട് കൊച്ചി സബ് കളക്ടര് കെ.മീരയ്ക്കാണ് എറണാകുളം ജില്ലാ വികസന കമ്മീഷണറുടെ അധിക ചുമതല.
കൊച്ചിന് സ്മാര്ട്ട് മിഷന് ലിമിറ്റഡ് സിഇഒ ഷാജി വി.നായര്ക്കു വൈറ്റില മൊബിലിറ്റി ഹബ് എംഡിയുടെ അധികച്ചുമതല നല്കി.