മുതലപ്പൊഴിയില് ബോട്ട് മറിഞ്ഞു; മത്സ്യത്തൊഴിലാളികള് കടലില് വീണു
Monday, July 8, 2024 8:29 AM IST
തിരുവനന്തപുരം: മുതലപ്പൊഴിയില് വീണ്ടും അപകടം. ബോട്ട് മറിഞ്ഞ് മത്സ്യത്തൊഴിലാളികള് കടലിൽ വീണു. ഇന്ന് പുലര്ച്ചെയാണ് സംഭവം. പെരുമാതുറ സ്വദേശി ഷാക്കിറിന്റെ ഉടമസ്ഥതയിലുള്ള യാനമാണ് മറിഞ്ഞത്.
കടലില് വീണ വലകള് എടുക്കാന് ശ്രമിക്കവെയാണ് അപകടമുണ്ടായത്. ബോട്ടിലുണ്ടായിരുന്നവര് കടലിലേക്ക് വീഴുകയായിരുന്നു. ഉടന് തന്നെ ഒരാളെ രക്ഷപ്പെടുത്തി ആശുപത്രിയിലേക്ക് മാറ്റി. പിന്നീട് മറ്റുള്ളവരെയും രക്ഷപ്പെടുത്തി ചിറയിന്കീഴ് താലൂക്ക് ആശുപത്രിയിലേക്ക് മാറ്റി.
11 പേരാണ് അപകടത്തില്പ്പെട്ടത്. ഇവരുടെ ആരോഗ്യനില തൃപ്തികരമാണെന്നാണ് വിവരം.