ഏഴാം ക്ലാസ് വിദ്യാർഥി തൂങ്ങി മരിച്ച നിലയിൽ
Monday, July 8, 2024 6:28 AM IST
കായംകുളം: ഏഴാം ക്ലാസ് വിദ്യാർഥി തൂങ്ങി മരിച്ച നിലയിൽ. ആലപ്പുഴ പുല്ലുകുളങ്ങരയിൽ ആണ് സംഭവം. കരിപ്പോലിൽ തങ്കച്ചൻ - സിന്ധു ദമ്പതികളുടെ മകൻ ആദിത്യൻ (12) ആണ് മരിച്ചത്.
മുറിക്കുള്ളിലെ ജനൽ കമ്പിയിൽ തൂങ്ങിമരിച്ച നിലയിലാണ് കുട്ടിയെ കണ്ടെത്തിയത്. ആദിത്യൻ ടിവി കാണാതിരിക്കുന്നതിന് വേണ്ടി അമ്മ സിന്ധു ടിവിയുടെ റിമോട്ട് മാറ്റിവച്ചിരുന്നു. തുടർന്നുണ്ടായ തർക്കമാണ് ആത്മഹത്യയ്ക്ക് കാരണമെന്ന് പോലീസ് പറയുന്നു.
മൃതദേഹം ആശുപത്രി മോർച്ചറിയിലേക്ക് മാറ്റി. ആദിത്യൻ പുല്ലു കുളങ്ങര എൻആർപിഎംഎച്ച്എസ്എസ്ലെ വിദ്യാർഥി ആയിരുന്നു.