ഇലക്ട്രിക് സ്കൂട്ടർ ചാര്ജ് ചെയ്യാൻ വീട്ടിൽ കയറി; ഭിന്നശേഷിക്കാരന് ക്രൂരമര്ദനം
Sunday, July 7, 2024 10:55 AM IST
മലപ്പുറം: എടക്കരയില് ഭിന്നശേഷിക്കാരനായ യുവാവിന് ക്രൂരമര്ദനമേറ്റതായി പരാതി. എടക്കര സ്വദേശി ജിബിന്(24) ആണ് മര്ദനമേറ്റത്. പരിക്കേറ്റ ഇയാൾ നിലന്പൂര് ജില്ലാ ആശുപത്രിയില് ചികിത്സ തേടി.
ഇലക്ട്രിക് സ്കൂട്ടര് ചാര്ജ് ചെയ്യാൻ ഒരു വീട്ടില് കയറിയതിന്റെ ആ വീട്ടുകാർ ക്രൂരമായി മര്ദിച്ചതെന്നാണ് പരാതി. ഇവിടെ ഇലക്ട്രിക് സ്കൂട്ടര് ഉണ്ടെന്ന് സമീപവാസികള് പറഞ്ഞതിന്റെ അടിസ്ഥാനത്തിലാണ് പോയതെന്നും ജിബിന്റെ പിതാവ് അലവിക്കുട്ടി പറഞ്ഞു.
വീട്ടിലെത്തിയ ജിബിൻ ലഹരി ഉപയോഗിച്ച് വന്നയാളാണെന്ന് പറഞ്ഞ് മര്ദിക്കുകയായിരുന്നുവെന്നാണ് ആരോപണം. സംഭവത്തില് ജിബിന്റെ പിതാവ് എടക്കര പൊലീസില് പരാതി നല്കി.