ടിവിയുടെ റിമോട്ടിനെ ചൊല്ലി വഴക്ക്: വിദ്യാര്ഥി തൂങ്ങിമരിച്ചു
Saturday, July 6, 2024 7:45 PM IST
ആലപ്പുഴ: ടിവി റിമോട്ടിനെ ചൊല്ലി അമ്മയുമായി വഴക്കിട്ടതിനെ തുടര്ന്ന് ഏഴാം ക്ലാസ് വിദ്യാര്ഥി തൂങ്ങിമരിച്ചു. പുല്ല്കുളങ്ങര കരിപ്പാലില് തങ്കച്ചന്റെയും സിന്ധുവിന്റെയും മകന് ആദിത്യനാണ് മരിച്ചത്.
അമ്മ സിന്ധു ടിവിയുടെ റിമോട്ട് മാറ്റിവച്ചിരുന്നു. റിമോട്ട് തരണമെന്ന് ആദിത്യന് ആവശ്യപ്പെട്ടെങ്കിലും സിന്ധു നല്കിയില്ല. പിന്നാലെ ആദിത്യന് മുറിയില് കയറി ജനല് കമ്പിയില് തൂങ്ങിമരിച്ചുവെന്നാണ് പൊലീസ് അറിയിച്ചത്.
മൃതദേഹം ആശുപത്രി മോര്ച്ചറിയിലേക്ക് മാറ്റി. പോസ്റ്റ്മോര്ട്ടത്തിനും നിയമപരമായ നടപടിക്രമങ്ങള്ക്കും ശേഷം ബന്ധുക്കള്ക്ക് വിട്ടുകൊടുക്കുമെന്ന് പൊലീസ് അറിയിച്ചു.