കോട്ടയത്ത് നിര്ത്തിയിട്ടിരുന്ന കെഎസ്ആര്ടിസി പിന്നിലേക്ക് നീങ്ങി അപകടം; പ്രസ് ക്ലബിന്റെ ഗേറ്റ് തകർന്നു
Saturday, July 6, 2024 11:41 AM IST
കോട്ടയം: നിര്ത്തിയിട്ടിരുന്ന കെഎസ്ആര്ടിസി ബസ് തനിയേ പിന്നിലേക്ക് നീങ്ങി അപകടം. കോട്ടയം കെഎസ്ആർടിസി ബസ് സ്റ്റാന്ഡിന് മുന്നിലുള്ള റോഡും മറികടന്ന് പിന്നോട്ടു നീങ്ങിയ ബസ് എതിര്വശത്തുള്ള പ്രസ് ക്ലബ്-പിഡബ്ല്യുഡി കെട്ടിടത്തിന്റെ ഗേറ്റും മതിലും തകര്ത്തു.
ഈ സമയം റോഡില് മറ്റു വാഹനങ്ങളിലോ യാത്രക്കാരോ ഇല്ലാത്തതിനാലാണ് വലിയ അപകടം ഒഴിവായത്. ഇന്ന് രാവിലെ ബസ് നിർത്തിയിട്ട ശേഷം ഡ്രൈവർ കാപ്പി കുടിക്കാൻ പോയ സമയത്താണ് അപകടം.
ബ്രേക്ക് നഷ്ടപ്പെട്ട ബസ് തനിയെ പിന്നിലേക്ക് നീങ്ങി റോഡിന് എതിർവശത്തുള്ള മതിലും ഗേറ്റിലും ഇടിക്കുകയായിരുന്നുവെന്നാണ് അധികൃതര് പറയുന്നത്.