കുറേയായി സമരം ചെയ്യാതിരിക്കുന്നവരല്ലേ, ഉഷാറായി വരട്ടെ: എസ്എഫ്ഐയെ പരിഹസിച്ച് ശിവന്കുട്ടി
Monday, June 24, 2024 3:05 PM IST
തിരുവനന്തപുരം: മലബാറിലെ പ്ലസ് വണ് സീറ്റ് പ്രതിസന്ധിയില് പ്രതിഷേധിച്ചുള്ള എസ്എഫ്ഐയുടെ സമരത്തെ പരിഹസിച്ച് വിദ്യാഭ്യാസ മന്ത്രി വി.ശിവന്കുട്ടി.കുറേ നാളായി സമരം ചെയ്യാതിരിക്കുന്നവരല്ലേ സമരം ചെയ്ത് ഉഷാറാകട്ടെ എന്നായിരുന്നു മന്ത്രിയുടെ പരിഹാസം.
തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു മന്ത്രി. അവര് എന്താണ് മനസിലാക്കിയിരിക്കുന്നത് എന്നറിയില്ല. തെറ്റിദ്ധാരണയാകാം. എസ്എഫ്ഐക്കാര് എല്ലാക്കാര്യങ്ങളും മനസിലാക്കണമെന്നില്ലല്ലോയെന്നും മന്ത്രി കൂട്ടിച്ചേര്ത്തു.
അതേസമയം മലപ്പുറത്ത് പ്ലസ് വൺ സീറ്റ് ക്ഷാമം ഇല്ലെന്ന് മന്ത്രി നിയമസഭയിൽ ആവർത്തിച്ചു. അണ് എയ്ഡഡ് മേഖലയിലെ സീറ്റുകളുടെ കണക്ക് അടക്കം നിരത്തിക്കൊണ്ടായിരുന്നു മന്ത്രിയുടെ വാദം.
17298 പേർക്കാണ് ഇനി സീറ്റ് കിട്ടാൻ ഉള്ളത്. സപ്ലിമെന്ററി അലോട്ട്മെന്റ് കഴിയുമ്പോൾ 7408 സീറ്റ് പ്രശ്നം വരും. അക്കാര്യം ചൊവ്വാഴ്ച വിദ്യാർഥി സംഘടനകളുമായി ചർച്ച നടത്തി പരിഹരിക്കുമെന്നും ശിവന്കുട്ടി സഭയില് പറഞ്ഞു.