റോഡിൽ കുഴി ; മുഖ്യമന്ത്രിയുടെ വാഹനം വഴിതിരിച്ചുവിട്ടു
Saturday, June 22, 2024 11:26 PM IST
തൃശൂർ: കുന്നംകുളം കേച്ചേരി റോഡിലെ കുഴി ഒഴിവാക്കാൻ മുഖ്യമന്ത്രി പിണറായി വിജയന്റെ വാഹനം വഴിതിരിച്ചുവിട്ടു.
കോഴിക്കോട്ടു നിന്ന് തൃശൂർ രാമനിലയത്തിലേക്കുള്ള യാത്രക്കിടെയാണ് മുഖ്യമന്ത്രിയുടെ വാഹനം വഴിമാറ്റിവിട്ടത്. കുന്നംകുളത്ത് നിന്ന് വടക്കാഞ്ചേരി വഴിയാണ് മുഖ്യമന്ത്രി യാത്രക്കായി തെരഞ്ഞെടുത്തത്.
കുന്നംകുളം - കേച്ചേരി പാതയിൽ കുഴികൾ രൂപപ്പെട്ടതിനാൽ ഇതു വഴി യാത്ര ചെയ്യാൻ കഴിയാത്ത അവസ്ഥയാണെന്ന് നാട്ടുകാർ പറഞ്ഞു. തകർന്നു കിടക്കുന്ന റോഡിലൂടെയുള്ള യാത്ര ഒഴിവാക്കാനാണ് മുഖ്യമന്ത്രിയുടെ യാത്ര വടക്കാഞ്ചേരി വഴിയാക്കിയത്.