വിദേശ വനിതയെ പീഡിപ്പിച്ച കേസ് ; റിസോര്ട്ട് ജീവനക്കാരന് പിടിയില്
Saturday, June 22, 2024 11:07 PM IST
വയനാട്: തിരുമ്മു ചികിത്സയ്ക്കെത്തിയ വിദേശ വനിതയെ പീഡിപ്പിച്ച കേസിൽ റിസോര്ട്ട് ജീവനക്കാരന് പിടിയില്. തലപ്പുഴ, യവനാര്കുളം, എടപ്പാട്ട് വീട്ടില് ഇ.എം. മോവിൻ(29) നെയാണ് തിരുനെല്ലി പോലീസ് അറസ്റ്റ് ചെയ്തത്.
കഴിഞ്ഞ വര്ഷം ഡിസംബറിലാണ് കേസിനാസ്പദമായ സംഭവം നടന്നത്. നെതര്ലന്ഡുകാരിയായ യുവതി ജൂണ് നാലിന് എഡിജിപിക്ക് ഇമെയില് വഴി നല്കിയ പരാതിയിലാണ് പ്രതിയെ അറസ്റ്റ് ചെയ്തത്. വിദേശത്തേക്ക് മടങ്ങിയ പരാതിക്കാരിക്ക് പ്രതിയുടെ ഫോട്ടോ അയച്ചുകൊടുത്തു.
യുവതി പ്രതിയെ തിരിച്ചറിഞ്ഞു. പ്രതിയെ സംഭവ സ്ഥലത്തെത്തിച്ച് തെളിവെടുപ്പ് നടത്തിയ ശേഷം ജുഡീഷ്യൽ കസ്റ്റഡിയിൽ വിട്ടു. കഴിഞ്ഞ ഡിസംബറിലാണ് ഓണ്ലൈന് ബുക്കിംഗ് വഴി യുവതി തിരുനെല്ലിയിലെ റിസോര്ട്ടില് എത്തിയത്.