കേജരിവാൾ ജയിലിൽ തുടരും; ഇഡി ഹര്ജിയിൽ വിധി 25ന്
Friday, June 21, 2024 5:22 PM IST
ന്യൂഡൽഹി: മദ്യനയക്കേസിൽ വിചാരണ കോടതി ജാമ്യം അനുവദിച്ച ഡൽഹി മുഖ്യമന്ത്രി അരവിന്ദ് കേജരിവാളിന്റെ ജയിൽ മോചനം വൈകും. ജാമ്യം നൽകിയത് സ്റ്റേ ചെയ്ത ഡൽഹി ഹൈക്കോടതി ഇഡി ഹര്ജിയിൽ 25 ന് വിധിപറയും. ഇതോടെയാണ് ജയിൽ മോചനം വൈകുന്നത്.
വ്യാഴാഴ്ചയാണ് മദ്യനയക്കേസില് ഡല്ഹിയിലെ റോസ് അവന്യു കോടതി കേജരിവാളിന് ജാമ്യം അനുവദിച്ചത്. ഇന്ന് കേജരിവാള് പുറത്താറാങ്ങാനിരിക്കെ ജാമ്യം അനുവദിച്ചുകൊണ്ടുള്ള വിധിക്കെതിരേ ഇഡി ഹൈക്കോടതിയെ സമീപിക്കുകയായിരുന്നു.
അറസ്റ്റിലായി 91 ദിവസത്തിന് ശേഷമാണ് കേജരിവാളിന് ഇന്നലെ ജാമ്യം ലഭിച്ചത്. ജാമ്യം ലഭിച്ചതിന് പിന്നാലെ ഇന്നലെ തന്നെ ഡൽഹിയിൽ ആം ആദ്മി പ്രവര്ത്തകര് ആഘോഷം തുടങ്ങിയിരുന്നു.