ഓടിക്കൊണ്ടിരുന്ന സ്കൂൾ ബസിന് തീപിടിച്ചു; വൻ ദുരന്തം ഒഴിവായത് തലനാരിഴയ്ക്ക്
Friday, June 14, 2024 10:26 AM IST
ആലപ്പുഴ: ചെങ്ങന്നൂർ ആലായിൽ ഓടിക്കൊണ്ടിരുന്ന സ്കൂൾ ബസിന് തീപിടിച്ചു. മാന്നാർ ശ്രീ ഭുവനേശ്വരി ഇംഗ്ലിഷ് മീഡിയം സ്കൂളിന്റെ ബസാണ് കത്തിയത്.
ആലാ - കോടുകുളഞ്ഞി റോഡിൽ രാവിലെ 8.45നാണ് സംഭവം. ബസിന്റെ മുൻവശത്തുനിന്ന് പുക ഉയരുന്നത് കണ്ട് കുട്ടികളെ വേഗം പുറത്തിറക്കിയതിനാൽ വലിയ അപകടം ഒഴിവായി. ബസ് പൂർണമായും കത്തി നശിച്ച നിലയിലാണ്.