സുരേഷ് ഗോപി തൃശൂരില് നടത്തിയ ഇടപെടല് മനസിലാക്കാന് പറ്റിയില്ല: കെ.മുരളീധരന്
Thursday, June 13, 2024 2:54 PM IST
ന്യൂഡല്ഹി: കഴിഞ്ഞ അഞ്ച് വര്ഷം സുരേഷ് ഗോപി തൃശൂരില് നടത്തിയ ഇടപെടല് മനസിലാക്കാന് പറ്റിയില്ലെന്ന് കോണ്ഗ്രസ് നേതാവ് കെ.മുരളീധരൻ. തനിക്കും സംഘടയ്ക്കും സുരേഷ് ഗോപിയുടെ പ്രവര്ത്തനങ്ങള് ശരിയായി വിലയിരുത്താന് സാധിച്ചില്ലെന്നും അദ്ദേഹം പറഞ്ഞു.ക്രിസ്ത്യന് വോട്ടില് വിള്ളല് വീണത് തൃശൂരില് മാത്രമാണെന്നും മുരളീധരന് പറഞ്ഞു.
ജയിക്കുമായിരുന്ന സിറ്റിംഗ് സീറ്റ് വിട്ട് മറ്റൊരു സീറ്റില് മത്സരിക്കാന് പോയത് തന്റെ തെറ്റാണെന്ന് പറഞ്ഞ മുരളീധരന് അടുത്ത ഒരു വര്ഷത്തേക്ക് രാഷ്ട്രീയത്തില് സജീവമായുണ്ടാകില്ലെന്നും അറിയിച്ചു. ഇനി കേരളം കേന്ദ്രീകരിച്ചാണ് പ്രവര്ത്തിക്കുകയെന്നും അദ്ദേഹം വ്യക്തമാക്കി.
"പഞ്ചായത്ത് തിരഞ്ഞെടുപ്പോടെ രാഷ്ട്രീയത്തില് വീണ്ടും സജീവമാകും. നിയമസഭാ തിരഞ്ഞെടുപ്പിന് രണ്ട് വര്ഷം ബാക്കിയുണ്ടല്ലോ. വയനാട്ടില് പ്രിയങ്ക ഗാന്ധി മത്സരിക്കണമെന്നാണ് എല്ലാവരും ആഗ്രഹിക്കുന്നത് '. നിയമസഭാ ഉപതിരഞ്ഞെടുപ്പില് പാലക്കാട് മത്സരിക്കാനില്ല എന്ന സൂചനയും മുരളീധരന് നല്കി.