രാജ്യസഭാ തെരഞ്ഞെടുപ്പിലും ന്യൂനപക്ഷ പ്രീണനം: വെള്ളാപ്പള്ളി നടേശൻ
Wednesday, June 12, 2024 9:07 PM IST
തിരുവനന്തപുരം: രാജ്യസഭാ തെരഞ്ഞെടുപ്പിലും ന്യൂനപക്ഷ പ്രീണനമെന്ന ആരോപണവുമായി എസ്എൻഡിപി യോഗം ജനറല് സെക്രട്ടറി വെള്ളാപ്പള്ളി നടേശൻ. രാജ്യസഭാ സീറ്റ് മുന്നണികള് നല്കിയത് ന്യൂനപക്ഷങ്ങള്ക്കാണ്.
ജനാധിപത്യത്തെ മതാധിപത്യം ഹൈജാക്ക് ചെയ്തിരിക്കുന്നുവെന്ന് ചൂണ്ടിക്കാട്ടിയ വെള്ളാപ്പള്ളി ചിഹ്നം നോക്കി വോട്ട് ചെയ്യുന്നവർ തെരുവിലാണെന്നും ജാതി നോക്കി വോട്ട് ചെയ്യുന്നവർ മിടുക്കരാണെന്നും വിമർശിച്ചു.
സത്യം പറയുന്ന തന്നെ ജാതിവാദിയാക്കുന്നുവെന്നും തെരഞ്ഞു പിടിച്ചു ആക്രമിക്കുന്നുവെന്നും വെള്ളാപ്പള്ളി കുറ്റപ്പെടുത്തി.