വിദേശകാര്യ സഹമന്ത്രി കുവൈത്തിലേക്ക് തിരിച്ചു
Wednesday, June 12, 2024 6:32 PM IST
ന്യൂഡൽഹി: കുവൈത്തിലെ തീപിടിത്തത്തിന്റെ പശ്ചാത്തലത്തിൽ വിദേശകാര്യസഹമന്ത്രി കീർത്തി വർധൻ സിംഗ് കുവൈത്തിലേക്ക് തിരിച്ചു. കുവൈത്തിലെ പ്രവർത്തനങ്ങൾ ഏകോപിപ്പിക്കാനാണ് മന്ത്രി കുവൈത്തിലേക്ക് പോയിരിക്കുന്നത്.
കുവൈത്തിലെ തീപിടിത്തത്തിൽ 21 ഇന്ത്യക്കാരാണ് മരിച്ചത്. മലയാളിയുടെ ഉടമസ്ഥതയിലുള്ള ലേബർ ക്യാന്പിലാണ് തീപിടിത്തമുണ്ടായത്. മരിച്ചവരിൽ 11 പേർ മലയാളികളാണ്.
നിരവധി പേർക്ക് പരിക്കേറ്റ് ആശുപത്രിയിൽ ചികിത്സയിലാണ്. തീപിടിത്തത്തെ സംബന്ധിച്ച അന്വേഷണങ്ങൾക്കായി ഇന്ത്യൻ എംബസി ഹെൽപ് ഡെസ്ക് തുറന്നിരുന്നു. 965-65505246 എന്ന നമ്പറിലാണ് ബന്ധപ്പെടേണ്ടത്.