ഡൽഹിയിൽ കൗമാരക്കാരനെ കുത്തിക്കൊന്നു
Wednesday, June 12, 2024 2:02 AM IST
ന്യൂഡൽഹി: വടക്കുപടിഞ്ഞാറൻ ഡൽഹിയിലെ ജഹാംഗീർപുരി പ്രദേശത്ത് 15 വയസുള്ള ആൺകുട്ടിയെ അജ്ഞാതർ കുത്തിക്കൊന്നു. വീടിന് സമീപത്തു വച്ചാണ് സംഭവം.
മനീഷ് കുമാർ എന്ന ബാലനാണ് കൊല്ലപ്പെട്ടത്. അബോധാവസ്ഥയിൽ കിടക്കുന്നത് കണ്ട മനീഷ് കുമാറിനെ കുടുംബാംഗങ്ങൾ ആശുപത്രിയിലെത്തിച്ചു. എന്നാൽ അപ്പോഴേക്കും മരണം സംഭവിച്ചിരുന്നു.
വ്യക്തിവൈരാഗ്യമായിരിക്കാം സംഭവത്തിന് പിന്നിലെ കാരണമെന്നും എല്ലാ കോണുകളിൽ നിന്നും അന്വേഷണം നടക്കുന്നുണ്ടെന്ന് ഒരു പോലീസ് ഉദ്യോഗസ്ഥൻ പറഞ്ഞു.
മനീഷ് കുമാറിന്റെ കുടുംബാംഗങ്ങളുടെ മൊഴി പോലീസ് രേഖപ്പെടുത്തിയിട്ടുണ്ടെന്നും പ്രദേശത്തെ സിസിടിവി ദൃശ്യങ്ങളും പോലീസ് ശേഖരിച്ചിട്ടുണ്ടെന്നും അദ്ദേഹം വ്യക്തമാക്കി.