ബോളിവുഡ് നടി നൂര് മാളബിക ദാസ് മരിച്ച നിലയില്; മൃതദേഹത്തിന് നാലുദിവസത്തെ പഴക്കം
Monday, June 10, 2024 3:29 PM IST
മുംബൈ: ബോളിവുഡ് നടി നൂര് മാളബിക ദാസിനെ (32) തൂങ്ങി മരിച്ച നിലയില് കണ്ടെത്തി. മുംബൈയിലെ ഫ്ലാറ്റിലാണ് അഴുകിയ നിലയിലുണ്ടായിരുന്ന മൃതദേഹം കണ്ടെത്തിയത്.
ഫ്ലാറ്റില് നിന്ന് ദുര്ഗന്ധമുണ്ടായതിനെ തുടര്ന്ന് അയല്വാസികള് പൊലീസിനെ വിവരം അറിയിക്കുകയായിരുന്നു. തുടര്ന്ന് പോലീസ് എത്തി നടത്തിയ പരിശോധനയിലാണ് മൃതദേഹം കണ്ടെടുത്തത്. മൃതദേഹത്തിന് നാലുദിവസത്തെ പഴക്കമുണ്ടെന്നാണ് നിഗമനം.
മുറിയില് നിന്ന് താരത്തിന്റെ മൊബൈല് ഫോണും ഡയറിയും മരുന്നുകളും പൊലീസ് കണ്ടെത്തിയിട്ടുണ്ട്. ഒരാഴ്ചയായി താരം ഫ്ലാറ്റില് തനിച്ചാണ് താമസിച്ചിരുന്നെന്നാണ് വിവരം.
ആസാം സ്വദേശിയായ നൂര് അഭിനയ രംഗത്തേക്കെത്തുന്നതിന് മുമ്പ് ഖത്തര് എയര്വേയ്സില് എയര് ഹോസ്റ്റസായിരുന്നു. കജോള് നായികയായെത്തിയ ദ് ട്രയലില് ശ്രദ്ധേയമായ വേഷത്തില് നൂര് അഭിനയിച്ചിട്ടുണ്ട്. സിസ്കിയാന്, വാക്ക്മാന് തുടങ്ങി നിരവധി വെബ് സീരീസുകളിലും നടി ഭാഗമായിട്ടുണ്ട്.