ജ​യ്പു​ര്‍: നീ​റ്റ് പ​രീ​ക്ഷാ ഫ​ലം പു​റ​ത്തു​വ​ന്ന​തി​ന് പി​ന്നാ​ലെ ര​ണ്ട് വി​ദ്യാ​ര്‍​ഥി​ക​ള്‍ ജീ​വ​നൊ​ടു​ക്കി. രാ​ജ​സ്ഥാ​നി​ലെ ദൗ​സ, കോ​ട്ട എ​ന്നി​വി​ട​ങ്ങ​ളി​ലെ വി​ദ്യാ​ര്‍​ഥി​ക​ളാ​ണ് ജീ​വ​നൊ​ടു​ക്കി​യ​ത്. പ​രീ​ക്ഷ​യി​ല്‍ മാ​ര്‍​ക്ക് കു​റ​ഞ്ഞ​താ​ണ് ആ​ത്മ​ഹ​ത്യ​യ്ക്ക് കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം. മൃ​ത​ദേ​ഹ​ങ്ങ​ള്‍ ആ​ശു​പ​ത്രി​യി​ലേ​ക്ക് മാ​റ്റി​യി​ട്ടു​ണ്ട്. പോ​സ്റ്റ്‌​മോ​ര്‍​ട്ട​ത്തി​ന് ശേ​ഷം കു​ടും​ബ​ങ്ങ​ള്‍​ക്ക് വി​ട്ടു​ന​ല്‍​കും.

കോ​ട്ട​യി​ല്‍ ബ​ഗി​ഷ തി​വാ​രി(18) ആ​ണ് ജീ​വ​നൊ​ടു​ക്കി​യ​ത്. ജ​വ​ഹ​ര്‍ ന​ഗ​ര്‍ ഏ​രി​യ​യി​ലെ ഒ​രു കെ​ട്ടി​ട​ത്തി​ന്‍റെ ഒ​മ്പ​താംനി​ല​യി​ല്‍ നി​ന്നും ചാ​ടു​ക​യാ​യി​രു​ന്നു. പ്ര​ദേ​ശ​വാ​സി​ക​ളി​ലൊ​രാ​ള്‍ ത​ട​യാ​ന്‍ ശ്ര​മി​ച്ചെ​ങ്കി​ലും യു​വ​തി ചെ​വി​ക്കൊ​ണ്ടി​ല്ല.

മ​ധ്യ​പ്ര​ദേ​ശി​ലെ രേ​വ സ്വ​ദേ​ശി​യാ​ണ് ബ​ഗി​ഷ. കോ​ട്ട​യി​ല്‍ ഒ​രു വ​ര്‍​ഷ​മാ​യി നീ​റ്റ് പ​രീ​ക്ഷ​യ്ക്ക് ത​യാ​റെ​ടു​ക്കു​ക​യാ​യി​രു​ന്നു. മൃ​ത​ദേ​ഹം മ​ഹാ​റാ​വു ഭീം ​സിം​ഗ് ആ​ശു​പ​ത്രി മോ​ര്‍​ച്ച​റി​യി​ല്‍. ഈ ​വ​ര്‍​ഷം കോ​ട്ട​യി​ല്‍ വി​ദ്യാ​ര്‍​ഥി ആ​ത്മ​ഹ​ത്യ ചെ​യ്യു​ന്ന പ​തി​നൊ​ന്നാ​മ​ത്തെ കേ​സാ​ണി​ത്. ക​ഴി​ഞ്ഞ വ​ര്‍​ഷം ന​ഗ​ര​ത്തി​ല്‍ 26 വി​ദ്യാ​ര്‍​ഥി ജീ​വ​നൊ​ടു​ക്ക​യ​താ​യാ​ണ് റി​പ്പോ​ര്‍​ട്ട്.

ദൗ​സ​യി​ല്‍ അ​ജി​ത് മീ​ണ എ​ന്ന വി​ദ്യാ​ര്‍​ഥി​യാ​ണ് ജീ​വ​നൊ​ടു​ക്കി​യ​ത്. ചൊ​വ്വാ​ഴ്ച വെെവ​കു​ന്നേ​ര​മാ​ണ് സം​ഭ​വം. ട്രെ​യി​നി​ന് മു​ന്നി​ല്‍ ചാ​ടു​ക​യാ​യി​രു​ന്നു. മൂ​ന്നാം​വ​ട്ട​വും നീ​റ്റി​ല്‍ പ​രാ​ജ​യ​പ്പെ​ട്ട​തി​നെ തു​ട​ര്‍​ന്ന് ജീ​വ​നൊ​ടു​ക്കുകയായിരുന്നുവെന്ന് പോ​ലീ​സ് പ​റ​യു​ന്നു.