പത്തനംതിട്ടയില് ഫോറസ്റ്റ് ഉദ്യോഗസ്ഥരെ സിപിഎം പ്രവര്ത്തകര് ആക്രമിച്ചെന്ന് പരാതി
Thursday, June 6, 2024 12:59 PM IST
പത്തനംതിട്ട: പത്തനംതിട്ട കൊച്ചുകോയിക്കലില് വനിതകള് അടക്കമുള്ള ഫോറസ്റ്റ് ഉദ്യോഗസ്ഥരെ സിപിഎം പ്രവര്ത്തകര് ആക്രമിച്ചെന്ന് പരാതി. പരിക്കേറ്റ നാല് ഉദ്യോഗസ്ഥര് ആശുപത്രിയില് ചികിത്സ തേടി.
ചൊവ്വാഴ്ച വൈകുന്നേരമാണ് സംഭവം. കോന്നി ഫോറസ്റ്റ് പരിധിയിലുള്ള കുളഞ്ഞിമുക്കിന് സമീപം റോഡ് വക്കില് മുറിച്ചിട്ട നിലയില് കണ്ടെത്തിയ മരങ്ങള് പരിശോധിക്കുകയായിരുന്നു ഉദ്യോഗസ്ഥര്.
ഇതിനിടെയാണ് സിപിഎം പ്രാദേശിക നേതാവിന്റെ നേതൃത്വത്തിലുള്ള സംഘം എത്തി അസഭ്യം പറയുകയും ഭീഷണിപ്പെടുത്തുകയും ചെയ്ത്. ഇത് പിന്നീട് കൈയാങ്കളിയില് കലാശിക്കുകയായിരുന്നു. അതേസമയം ആക്രമണത്തിന്റെ ദൃശ്യങ്ങള് അടക്കം പരാതി നല്കിയിട്ടും മൂഴിയാര് പോലീസ് കേസെടുക്കുന്നില്ലെന്നും ഫോറസ്റ്റ് ഉദ്യോഗസ്ഥര് ആരോപിച്ചു.