മലപ്പുറത്ത് സ്കൂള് വാന് മറിഞ്ഞു; 12 കുട്ടികള്ക്ക് പരിക്ക്
Thursday, June 6, 2024 10:36 AM IST
മലപ്പുറം:മലപ്പുറത്ത് സകൂള് വാന് മറിഞ്ഞ് 12 വിദ്യാര്ഥികള്ക്ക് പരിക്ക്. കൊണ്ടോട്ടി മുസ്ല്യരങ്ങാടിയിലാണ് അപകടം. ആരുടെയും നില ഗുരുതരമല്ല. മൊറയൂര് വിഎച്ച്എം ഹയര്സെക്കന്ഡറി സ്കൂള് വാനാണ് മറിഞ്ഞത്.
രാവിലെ ഒമ്പതിനായിരുന്നു അപകടം. വാൻ താഴ്ചയിലേക്ക് മറിയുകയായിരുന്നു. ഉടന് തന്നെ നാട്ടുകാര് എത്തി കുട്ടികളെ പുറത്തെടുത്തു. പരിക്കേറ്റവരെ കൊണ്ടോട്ടിയിലെ സ്വകാര്യ ആശുപത്രിയില് പ്രവേശിപ്പിച്ചു.
അപകട കാരണം വ്യക്തമല്ല. വാഹനം നിയന്ത്രണം നഷ്ടമായി അപകടത്തില്പ്പെട്ടതാകാം എന്നാണ് പ്രാഥമിക നിഗമനം.