വര്ക്കലയില് ഭര്ത്താവ് തീ കൊളുത്തിയ സ്ത്രീയും മകനും മരിച്ചു
Monday, June 3, 2024 2:36 PM IST
തിരുവനന്തപുരം: കുടുംബ വഴക്കിനെ തുടർന്ന് വര്ക്കലയില് ഭര്ത്താവ് തീ കൊളുത്തിയ ഭാര്യയും മകനും മരിച്ചു. ചെമ്മരുതി സ്വദേശി രാജേന്ദ്രന്റെ ഭാര്യ ബിന്ദു (43) മകൻ അമൽ (17) എന്നിവരാണ് മരിച്ചത്. ഗുരുതരമായി പൊള്ളലേറ്റ് തിരുവനന്തപുരം മെഡിക്കല് കോളജ് ആശുപത്രിയില് ചികിത്സയിലിക്കെയാണ് മരണം.
ഞായറാഴ്ച വൈകിട്ടാണ് സംഭവം. ഇരുവരും തമ്മിലുണ്ടായ വഴക്കിനിടെ രാജേന്ദ്രൻ ഭാര്യ ബിന്ദുവിന്റെ ദേഹത്തേക്കും സ്വന്തം ശരീരത്തിലേക്കും ടിന്നർ ഒഴിച്ച് തീകൊളുത്തുകയായിരുന്നു. ഇത് തടയാൻ ശ്രമിക്കുന്നതിനിടെയാണ് അമലിനും പൊള്ളലേറ്റത്.
ഗുരുതരമായ പൊള്ളലേറ്റ രാജേന്ദ്രൻ സംഭവസ്ഥലത്തുവച്ച് തന്നെ മരിച്ചിരുന്നു. നാട്ടുകാര് വിവരം അറിയിച്ചതിനെ തുടർന്ന് അഗ്നിരക്ഷാ സേനയും പോലീസും സ്ഥലത്തെത്തിയാണ് ബിന്ദുവിനെയും മകനെയും ആശുപത്രിയിലെത്തിച്ചത്.