ഡ്യൂട്ടിക്കിടെ ഡോക്ടറെ ആക്രമിച്ച് ഗുരുതര പരിക്കേൽപ്പിച്ചു; ഒരാൾ അറസ്റ്റിൽ |

Click here for detailed news of all items

ഡ്യൂട്ടിക്കിടെ ഡോക്ടറെ ആക്രമിച്ച് ഗുരുതര പരിക്കേൽപ്പിച്ചു; ഒരാൾ അറസ്റ്റിൽ

Monday, June 3, 2024 1:14 AM IST

അഗർത്തല: ത്രിപുരയിലെ ജിബി ഹോസ്പിറ്റലിൽ ഡോക്ടറെ ഒരു സംഘം യുവാക്കൾ മർദിക്കുകയും അസഭ്യം പറയുകയും ചെയ്തു. ആക്രമണത്തിൽ അദ്ദേഹത്തിന് ഗുരുതര പരിക്കേറ്റു.

ഡ്യൂട്ടിക്കിടെയാണ് ഡോക്ടർക്കു നേരെ ആക്രമണമുണ്ടായത്. ഒരു രോഗിയുടെ ചികിത്സയെക്കുറിച്ചുള്ള തെറ്റിദ്ധാരണയുടെ പേരിലാണ് വാക്ക് തർക്കം ആരംഭിച്ചതെന്ന് പോലീസ് പറഞ്ഞു. സംഭവത്തിൽ പോലീസ് അന്വേഷണം ആരംഭിക്കുകയും നിരവധി പേരെ കസ്റ്റഡിയിലെടുക്കുകയും ചെയ്തു. ഒരാളുടെ അറസ്റ്റ് രേഖപ്പെടുത്തി.

ഒരു സംഘം ആളുകൾ ആശുപത്രിയിലെ അത്യാഹിത വിഭാഗത്തിൽ പ്രവേശിച്ച് ഡോക്ടറുമായി വാക്കുതർക്കമുണ്ടാകുകയും അദ്ദേഹത്തെ മർദിക്കുകയുമായിരുന്നു. ആശുപത്രി ജീവനക്കാരും സെക്യൂരിറ്റി ജീവനക്കാരും ഇടപെട്ടാണ് ആക്രമികളെ പിടിച്ചു മാറ്റിയത്. ഗുരുതരമായി പരിക്കേറ്റ ഡോക്ടറുടെ ആരോഗ്യനില തൃപ്തികരമാണ്.

അതേസമയം, ആക്രമണത്തെ ശക്തമായി അപലപിക്കുന്നുവെന്നും കുറ്റവാളികളെ അറസ്റ്റ് ചെയ്തില്ലെങ്കിൽ പ്രതിഷേധം സംഘടിപ്പിക്കുമെന്നും ജിബിപി ആശുപത്രി ഡെപ്യൂട്ടി മെഡിക്കൽ സൂപ്രണ്ട് ഡോ. കനക് ചൗധരി എഎൻഐയോട് പറഞ്ഞു. ഡ്യൂട്ടി സമയത്ത് ഡോക്ടർമാരെ ആക്രമിക്കാൻ ധൈര്യപ്പെടുന്നവർക്കെതിരെ സർക്കാർ കർശന നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.