50 ലിറ്റർ ചാരായവുമായി ഒരാൾ അറസ്റ്റിൽ
Sunday, June 2, 2024 10:40 PM IST
നെടുംകണ്ടം: ചാരായം വിൽപ്പന നടത്തിയയാൾ പിടിയിൽ. കൊച്ചറ പാലം കരയിൽ പുളിക്കൽ തങ്കച്ചൻ മാത്യുവാണ് പിടിയിലായത്. തങ്കച്ചന്റെ കൂടെയുണ്ടായിരുന്ന തെക്കുംകാലായിൽ ജിജോമോൻ ജോർജ് ഓടി രക്ഷപ്പെട്ടു.
ഉടുമ്പൻ ചോല റെയിഞ്ച് എക്സൈസ് സംഘമാണ് തങ്കച്ചനെ പിടികൂടിയത്. ഇരുവരുടെയും പേരിൽ എക്സൈസ് കേസെടുത്തു.
കൊച്ചറ പാലം കരയിൽ ലിറ്ററിന് 700 രൂപ നിരക്കിൽ ചാരായം വാറ്റി വിൽപ്പന നടത്തുന്നുവെന്ന പരാതിയെ തുടർന്നാണ് എക്സൈസ് സംഘം റെയ്ഡിന് എത്തിയത്. പ്രതിയെ കോടതിയിൽ ഹാജരാക്കി.