ഭക്ഷ്യവിഷബാധ: 42 കോളജ് വിദ്യാർഥികൾ ആശുപത്രിയിൽ
Sunday, June 2, 2024 8:06 PM IST
ഈറോഡ്: തമിഴ്നാട്ടിലെ ഈറോഡിൽ ഭക്ഷ്യവിഷബാധയെ തുടർന്നു 42 കോളജ് വിദ്യാർഥികളെ ആശുപത്രിയിൽ പ്രവേശിപ്പിച്ചു. സ്വകാര്യ എൻജിനീയറിംഗ് കോളജിലെ വിദ്യാർഥികളെയാണ് ഈറോഡ് ജില്ലാ മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്.
വിദ്യാർഥികൾ ഹോസ്റ്റലിൽ അത്താഴം കഴിച്ചതിനെ തുടർന്ന് അസ്വസ്ഥതയും ഛർദ്ദിയും അനുഭവപ്പെട്ടതായി പോലീസ് പറഞ്ഞു.
വിദ്യാർഥികളുടെ ആരോഗ്യനില തൃപ്തികരമാണെന്നാണ് വിവരം.