ചെ​ന്നൈ: ത​മി​ഴ്‌​നാ​ട് സേ​ല​ത്ത് ഭ​ക്ഷ്യ​വി​ഷ​ബാ​ധ​യെ തു​ട​ര്‍​ന്ന് 82 ന​ഴ്‌​സിം​ഗ് വി​ദ്യാ​ര്‍​ഥി​ക​ള്‍ ആ​ശു​പ​ത്രി​യി​ല്‍. കു​പ്പ​ന്നൂ​ര്‍ എ​സ്പി​സി ഇ​ന്‍​സ്റ്റി​റ്റ്യൂ​ട്ട് ഓ​ഫ് ന​ഴ്‌​സിം​ഗ് എ​ജ്യു​ക്കേ​ഷ​ന്‍ ആ​ന്‍റ് റി​സ​ര്‍​ച്ചി​ലെ കു​ട്ടി​ക​ളാ​ണ് ചി​കി​ത്‌​സ തേ​ടി​യ​ത്.

ഞാ​യ​റാ​ഴ്ച ഹോ​സ്റ്റ​ലി​ലെ ഉ​ച്ച​ഭ​ക്ഷ​ണം ക​ഴി​ച്ച ശേ​ഷ​മാ​ണ് വ​യ​റ്റി​ല്‍ അ​സ്വ​സ്ഥ​ത, ഛര്‍​ദ്ദി, വ​യ​റി​ള​ക്കം എ​ന്നി​വ അ​നു​ഭ​വ​പ്പെ​ട്ട​തെ​ന്ന് വി​ദ്യാ​ര്‍​ഥി​ക​ള്‍ പ​റ​ഞ്ഞു. തി​ങ്ക​ളാ​ഴ്ച 20 വി​ദ്യാ​ര്‍​ഥി​ക​ള്‍​ക്കാ​ണ് ആ​ദ്യം അ​വ​ശ​ത അ​നു​ഭ​വ​പ്പെ​ട്ട​ത്. ആ​രോ​ഗ്യപ്രവർത്തകർ കോ​ള​ജി​ലെ​ത്തി വി​ദ്യാ​ര്‍​ഥി​ക​ളെ പ​രി​ശോ​ധി​ക്കു​ക​യും നി​ര്‍​ജ്ജ​ലീ​ക​ര​ണം ബാ​ധി​ച്ച​താ​യി ക​ണ്ടെ​ത്തു​ക​യും ചെ​യ്തു.

തു​ട​ര്‍​ന്ന് വി​ദ്യാ​ര്‍​ഥി​ക​ളെ സേ​ലം മോ​ഹ​ന്‍ കു​മാ​ര​മം​ഗ​ലം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. നി​ല​വി​ല്‍ വി​ദ്യാ​ര്‍​ഥി​ക​ളു​ടെ ആ​രോ​ഗ്യ​സ്ഥി​തി തൃ​പ്തി​ക​ര​മാ​ണെ​ന്ന് അ​ധി​കൃ​ത​ര്‍ അ​റി​യി​ച്ചു.

ഹോ​സ്റ്റ​ല്‍ പ്ര​വ​ര്‍​ത്തി​പ്പി​ക്കു​ന്ന​തി​ന് കോ​ള​ജ് മാ​നേ​ജ്മെ​ന്‍റ് വ​കു​പ്പി​ല്‍ നി​ന്ന് അ​നു​മ​തി വാ​ങ്ങി​യി​ട്ടി​ല്ലെ​ന്നും പാ​ച​ക​ത്തി​ന് ഉ​പ​യോ​ഗി​ക്കു​ന്ന വെ​ള്ളം ഭ​ര​ണ​കൂ​ടം പ​രി​ശോ​ധി​ച്ചി​ല്ലെ​ന്നും ഭ​ക്ഷ്യ​സു​ര​ക്ഷാ വ​കു​പ്പി​ന്‍റെ സേ​ലം ജി​ല്ലാ ഓ​ഫീ​സ​ര്‍ ക​തി​ര​വ​ന്‍ പ​റ​ഞ്ഞു. അ​ടു​ക്ക​ള കൃ​ത്യ​മാ​യി അ​ണു​വി​മു​ക്ത​മാ​ക്കി​യി​ല്ലെ​ന്നും പാ​ച​ക​ത്തി​ന് ഉ​പ​യോ​ഗി​ക്കു​ന്ന വെ​ള്ള​ത്തി​ല്‍ മ​ലി​ന​ജ​ലം ക​ല​ര്‍​ന്ന​താ​യും റി​പ്പോ​ര്‍​ട്ടി​ല്‍ പ​റ​യു​ന്നു.

സം​ഭ​വ​ത്തെ തു​ട​ര്‍​ന്ന് ഹോ​സ്റ്റ​ലിന്‍റെ അടുക്കള താ​ത്ക്കാ​ലി​ക​മാ​യി അ​ട​ച്ചു​പൂ​ട്ടി.