അറബിക്കടലില് ഭൂചലനം; സുനാമി സാധ്യതയില്ല
Tuesday, May 28, 2024 4:45 AM IST
തിരുവനന്തപുരം: അറബിക്കടലില് ശക്തമായ ഭൂചലനം. ഇന്ത്യൻ സമയം രാത്രി 8:56 ഓടെയാണ് ഭൂചലനമുണ്ടായതായി റിപ്പോർട്ട്. ദേശീയ ഭൂചലന നിരീക്ഷണ കേന്ദ്രമാണ് ഇത് സംബന്ധിച്ച വിവരങ്ങൾ പുറത്തുവിട്ടത്.
മാലിദ്വീപിന്റെയും ലക്ഷദ്വീപിന്റെയും ഇടയിൽ സമുദ്രനിരപ്പിൽ നിന്ന് പത്ത് കിലോമീറ്റർ താഴ്ചയാണ് പ്രഭവ കേന്ദ്രം. ദേശീയ ഭൂചലന നിരീക്ഷണ കേന്ദ്രവും സ്വകാര്യ ഏജന്സികളും ഇക്കാര്യം സ്ഥിരീകരിച്ചിട്ടുണ്ട്.
മാലദ്വീപിലെ ഏഴ് നഗരങ്ങളിൽ നേരിയ തോതിൽ ഭൂചലനം അനുഭവപ്പെട്ടു. റിക്ടര് സ്കെയിലില് 4.5 തീവ്രതയാണ് രേഖപ്പെടുത്തിയത്. അതുകൊണ്ട് തന്നെ സുനാമിക്ക് സാധ്യതയുള്ള തീവ്രതയില്ലെന്നാണ് സ്വകാര്യ നിരീക്ഷണ കേന്ദ്രം മെറ്റ്ബീറ്റ് വെതര് അറിയിക്കുന്നത്.
എന്നാൽ മാലദ്വീപിൽ നിന്നും 216 കിലോമീറ്റർ അകലെയാണ് ഭൂചലനം ഉണ്ടായതെന്ന് ജർമനി ആസ്ഥാനമായി പ്രവർത്തിക്കുന്ന സ്വകാര്യ ഭൂചലന നിരീക്ഷകർ പറയുന്നു.