മെഡിക്കൽ കോളജിലെ ശസ്ത്രക്രിയ പിഴവ്; സസ്പെൻഷൻ നിർഭാഗ്യകരമെന്ന് കെജിഎംസിടിഎ |

Click here for detailed news of all items

മെഡിക്കൽ കോളജിലെ ശസ്ത്രക്രിയ പിഴവ്; സസ്പെൻഷൻ നിർഭാഗ്യകരമെന്ന് കെജിഎംസിടിഎ

Thursday, May 16, 2024 9:44 PM IST

കോഴിക്കോട്: മെഡിക്കൽ കോളജിൽ അവയവം മാറി ശസ്ത്രക്രിയ ചെയ്തെന്ന വാർത്ത തെറ്റിദ്ധാരണ മൂലമെന്ന് കേരള ഗവ. മെഡിക്കൽ കോളജ് ടീച്ചേഴ്സ് അസോസിയേഷൻ.

നാക്കിന് താഴെ പാട പോലെ കാണുന്ന നാക്കിലെ കെട്ട് ആണ് ശസ്ത്രക്രിയ ചെയ്തു മാറ്റിയത്. നാക്കിന്‍റെ അറ്റം മുറിച്ചു എന്ന രീതിയിലുള്ള പ്രചാരണം അടിസ്ഥാന രഹിതമാണ്. വസ്തുതകൾ അന്വേഷിക്കാതെയും കൃത്യമായ അന്വേഷണം നടത്താതെയും ധൃതി പിടിച്ചു നടത്തിയ സസ്പെൻഷൻ നിർഭാഗ്യകരമാണ്.

നാക്കിനടിയിലെ ചെറിയ വൈകല്യം ആയതിനാൽ ഇത് രക്ഷിതാക്കളുടെ ശ്രദ്ധയിൽ പെടാറില്ല. ഭാവിയിൽ അത് സംസാര വൈകല്യത്തിന് കാരണമാകാം. സംസാരം പൂർണമായി വികസിച്ചു കഴിഞ്ഞാൽ ചികിത്സിച്ചു ഭേദമാക്കാൻ ബുദ്ധിമുട്ടായതിനാലും ഇതിന് പ്രഥമ പരിഗണന നൽകി.

തുടർന്ന് കുട്ടിയെ നാവിന്‍റെ ശസ്ത്രക്രിയക്ക് വിധേയമാക്കുകയായിരുന്നു. ശസ്ത്രക്രിയക്ക് ശേഷം ആറാം വിരലിന്‍റെ ശസ്ത്രക്രിയ ഇപ്പോൾ തന്നെ ചെയ്യണമെന്ന് മാതാപിതാക്കൾ ആവശ്യപ്പെട്ടു. തുടർന്ന് അതും അപ്പോൾ തന്നെ ചെയ്യുകയായിരുന്നു എന്നാണ് കെജിഎംസിടിഎ വാര്‍ത്താക്കുറിപ്പിൽ പറയുന്നത്.

പ്രതികൂലമായ സാഹചര്യങ്ങളിലും സേവനം നൽകുന്ന മെഡിക്കൽ കോളജ് ടീച്ചർമാരുടെ ആത്മവീര്യം തകർക്കുന്നതാകരുത് ഇത്തരം നടപടികൾ. നിരാലംബരായ രോഗികളുടെ അത്താണിയായ സ്ഥാപനത്തിന്‍റെ സത്പേരിന് കളങ്കം സൃഷ്ടിക്കുന്ന പ്രചാരണങ്ങളിൽ നിന്നും മാധ്യമങ്ങൾ വിട്ടു നിൽക്കണമെന്നും കെജിഎംസിടിഎ ആവശ്യപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.