കടൽക്ഷോഭം: മുഴപ്പിലങ്ങാട് ഫ്ലോട്ടിംഗ് ബ്രിഡ്ജ് തകർന്നു
Monday, April 1, 2024 12:44 PM IST
കണ്ണൂർ: തെക്കൻ കേരളത്തിലെ കടൽ ക്ഷോഭത്തിന്റെ അലകൾ കണ്ണൂരിലും. കടൽ ക്ഷോഭത്തെ തുടർന്ന് മുഴപ്പിലങ്ങാട് ഡ്രൈവ് ഇൻ ബീച്ചിലെ ഫ്ലോട്ടിംഗ് ബ്രിഡ്ജ് തകർന്നു.
റബർ പ്ലാസ്റ്റിക് മിശ്രിതമുപയോഗിച്ച് നിർമിച്ച ഫ്ലോട്ടിംഗ് ബ്രിഡ്ജ് തിരമാലകളുടെ ഏറ്റക്കുറച്ചിലിനനുസരിച്ച് ഉയരുകയും താഴുകയും ചെയ്യുന്ന രീതിയിലായിരുന്നു നിർമിച്ചത്. ഫ്ലോട്ടിംഗ് ബ്രിഡ്ജിന്റെ ചില ഭാഗങ്ങൾ കരയിലേക്കടിഞ്ഞ നിലയിലാണ് കണ്ടെത്തിയത്.
അതേ സമയം തകരാർ സംഭവിച്ചിട്ടില്ലെന്നും കടൽ ക്ഷോഭമുണ്ടായ പശ്ചാത്തലത്തിൽ ഫ്ലോട്ടിംഗ് ബ്രിഡ്ജ് അഴിച്ചു വച്ചതാണെന്നുമാണ് ഡിടിപിസിയും നടത്തിപ്പുകാരും നൽകിയ വിശദീകരണം.