വർക്കലയിൽ ബീച്ചിൽ കുളിക്കുന്നതിനിടെ അധ്യാപകൻ മുങ്ങിമരിച്ചു
Tuesday, February 6, 2024 10:28 PM IST
തിരുവനന്തപുരം: വർക്കല പാപനാശം ബീച്ചിൽ കുളിക്കുന്നതിനിടെ എഞ്ചിനിയറിംഗ് കോളജ് അധ്യാപകൻ മുങ്ങി മരിച്ചു. വൈകിട്ട് 6.15 ഓടെയാണ് സംഭവം. കോഴിക്കോട് കൊടുവള്ളി സ്വദേശി മുഹമ്മദ് ഷാനിർ (42) ആണ് മരിച്ചത്.
കൊല്ലം ടികെഐം എഞ്ചിനിയറിംഗ് കോളജിലെ അധ്യാപകനാണ് ഷാനിർ. പെട്ടെന്ന് ഉണ്ടായ ശക്തമായ തിരയിലും അടി ഒഴുക്കിലും പെട്ട് അപകടം ഉണ്ടായതാണ് എന്നാണ് നിഗമനം.
ഷാനിർ മുങ്ങുന്നത് ശ്രദ്ധയിൽപ്പെട്ട ലൈഫ് ഗാർഡും നാട്ടുകാരും ചേർന്ന് ഇയാളെ കരയ്ക്ക് എത്തിച്ചു. തുടർന്ന് വർക്കല താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.