റിപ്പബ്ലിക് ദിനാഘോഷം; വ്യോമസേനയിൽനിന്ന് 48 വനിതകൾ പരേഡിൽ പങ്കെടുക്കും
Friday, January 19, 2024 6:07 PM IST
ന്യൂഡൽഹി: 26 ന് നടക്കുന്ന റിപ്പബ്ലിക് ദിനാഘോഷങ്ങളുടെ ഭാഗമായി ഡൽഹിയിൽ വിവിധ സേനാ വിഭാഗങ്ങളുടെ അഭ്യാസ പ്രകടനങ്ങൾ അരങ്ങേറും. 48 വനിതകളാണ് വ്യോമസേനയിൽനിന്ന് ഇക്കുറി റിപ്പബ്ലിക് ദിന പരേഡിൽ പങ്കെടുക്കുന്നത് എന്നാണ് റിപ്പോർട്ട്.
ഇതിൽ ദേശീയ വായു സേനയുടെ പരേഡ് സ്ക്വാർഡൻ ലീഡൽ റാഷ്മി താക്കുർ നയിക്കും. സ്ക്വാർഡൻ ലീഡർ സുമിത യാദവ്, പ്രതീതി അഹ്ലുവാലി, കീർത്തി റോഹി എന്നീ വനിതാ ഉദ്യോഗസ്ഥരും പരേഡിന്റെ ഭാഗമാകും.
26 ന് കർതവ്യ പഥിലാണ് റിപ്പബ്ലിക് ദിന പരേഡ് നടക്കുക. 15 വനിതാ പൈലറ്റുമാരും സേനയിൽ നിന്ന് വിവിധ അഭ്യാസ പ്രകടനങ്ങളിൽ പങ്കെടുക്കും. ഫ്രഞ്ച് പ്രസിഡന്റ് ഇമ്മാനുവേൽ മാക്രോണ് ആണ് 75 ആം റിപബ്ലിക് ദിനത്തിലെ വിശിഷ്ട അതിഥി.